ავტორიზაცია
რეგისტრაცია
პაროლის აღდგენა
პრესრელიზი
03/11/2020
საკონტაქტო პირი:
მაია ჩიტაშვილი | 593260906 | maiko@publicity.ge
ზუგდიდში დასაქმების ფესტივალი გაიმართა
გასულ კვირას ქ. ზუგდიდში დასაქმების ფესტივალი გაიმართა. ღონისძიების მიზანი დასაქმების ხელშეწყობა და საარსებო წყაროების გაძლიერება გახლდათ.
დასაქმების ფესტივალში მონაწილეობა მიიღო სამეგრელოს რეგიონში მოქმედმა 15 კომპანია / ორგანიზაციამ და, ასევე, სამუშაოს მაძიებელმა 45 პირმა. დასაქმების ფესტივალზე მონაწილე ორგანიზაციებმა 38 ვაკანსია შესთავაზეს დასაქმების მაძიებლებს. მათ შორის - მოლარე, ოპერატორი, კონსულტანტი, მზარეული, ბარმენი, მიმტანი, ადმინისტრატორი, მცხობელი, სოციალური მედიის მენეჯერი, გაყიდვების მენეჯერი, კურიერი, ვეტერინარი, დიზაინერი, დეკორატორი და სხვა.
• ნაპოლეონ მილორავა, აღმასრულებელი დირექტორი, საქველმოქმედო ჰუმანიტარული ცენტრი „აფხაზეთი“
„დღეს ჩენ გვაქვს დასაქმების ფესტივალი. ჩვენს პროექტს, რომელშიც ჩართულია აფხაზური მხარე, ჰქონდა რამდენიმე მნიშვნელოვანი ფაზა და, დღევანდელი დასაქმების ფესტივალი არის დამაგვირგვინებელი ღონისძიება. დღეს აქ წარმოდგენილები არიან კერძო კომპანიებისა და ორგანიზაციების წარმომადგენლები, რომლებსაც გამოტანილი აქვთ ვაკანსიები და, ასევე, წარმოდგენილნი არიან ამ ვაკანსიების დაკავების პრეტენდენტები, დევნილები და ადგილობრივი თემის წევრები. სამუშაოს მაძიებელთათვის ეს არის ახალი შანსი. ჩვენთვის, ორგანიზატორებისათვის, კი არის შედეგი იმისა, რომ კერძო სექტორსა და სამოქალაქო საზოგადოებას შორის შეიქმნა თანამშრომლობის პრეცენდენტი და გამოცდილება, რომელიც მომავალში უზრუნველყოფს დევნილებისა და მოწყვლადი ჯგუფების საარსებო წყაროების განვითარებას“.
• სოფია ხარჩილავა, დიზაინის სახლი „სონია ხარჩი“ და რესტორიანი „სოფიასთან“
„ღონისძიებაზე წარმოვადგენთ ორ ორგანიზაციას, დიზაინის სახლი „სონია ხარჩი“ და რესტორიანი „სოფიასთან“. იცით რა არის ყველაზე კარგი? ის რომ ფესტივალი ტარდება სამეგრელოში დღეს. დღეს, როდესაც ყველაზე მეტად გვიჭირს როგორც ჩვენ, ისე ადამიანებს რომლებსაც სურთ რომ მუშაობდნენ. ვგრძნობ და მჯერა, რომ ფესტივალი არის პლატფორმა ჩვენთვის და ადამიანებისათვის, რომლებიც ეძებენ სამსახურს. კარგია, რომ სამეგრელოში ჩატარდა ფესტივალი და ვიმედოვნებ რომ, ხშირად გვექნება ასეთი ფესტივალები. ბედნიერებაა ადამიანებმა შეძლონ თავიანთი სოციალური მდგომარეობის გაუმჯობესება და დარწმუნებული ვარ, რომ ეს არის კიდევ ერთი წინ გადადგმული ნაბიჯი იმისთვის, რომ სოციალური მდგომარეობა და ვითარება, კერძოდ სამეგრელოში, გამოსწორდეს.“
• ასმათ კუჭავა, სამუშაოს მაძიებებლი
„დღეს მოვედი დასაქმების ფესტივალზე. სხვადასხვა პროფესიის განათლება მაქვს და ვეძებ განსხვავებულ, ჩემთვის საინტერესო იდეებს. მომეწონა ბევრი აქ წარმოდგენილი ორგანიზაცია, მოვძებნე საინტერესო შემოთავაზებები და იმედი მაქვს დავსაქმდები. ადრე ვიყავი დასაქმებული, მაგრამ ახლა ისევ ვეძებ სამსახურს. ასეთი ღონისძიება ძალიან მნიშვნელოვანია ჩემთვის და, ალბათ, ჩემნაირი ადამიანებისთვის, რომლებსაც არა აქვთ სამსახური და უნდათ დასაქმდნენ. მოხარული ვიქნებით თუ მომავალშიც გაგრძელდება ასეთი ფესტივალები. ყველას ვუსურვებ წარმატებებს.“
წინასწარი მონაცემებით, უკვე დასაქმდა 20-მდე მონაწილე. დასაქმების პროცესი გრძელდება და პირველი შედეგები უკვე კვირის ბოლოს გახდება ცნობილი
ღონისძიების ორგანიზატორი გახლდათ საქველმოქმედო ჰუმანიტარული ცენტრი „აფხაზეთი“ (CHCA) და ASB საქართველო (ASB Georgia). ღონისძიება ჩატარდა პროექტის „დევნილი და მასპინძელი თემის ეკონომიკური გაძლიერება საქართველოში“ ფარგლებში, რომლის ფინანსური მხარდამჭერია აშშ-ს მოსახლეობის, ლტოლვილთა და მიგრაციის ბიუროს (BPRM).
ორგანიზაციის შესახებ
წაკითხულია: 228
ფაბლისითი ჯგუფი -ის ნიუსრუმი
ყველა ინფორმაცია ერთ სივრცეში
ინფორმაცია
ისტორია
PUBLICITY.GE სამ ძირითად მომსახურებას გთავაზობთ. რომელიმე ქვემოთ ჩამოთვლილი მომსახურებების შესაძენად, დაინტერესებული ორგანიზაცია რეგისტრირდება PUBLICITY.GE - ზე და ხსნის მისი ორგანიზაციის პროფილს. ეს ავტომატურად ნიშნავს ორგანიზაციის ნიუსრუმის გვერდის შექმნას შემდეგი დომანური სახელით: publicity.ge/yourcompany. ნიუსრუმი, ეს არის თქვენი ორგანიზაციის დამატებითი ვეგვერდი ინტერნეტში, სადაც მედიისთვის მნიშვნელოვანი ინფორამციაა განთავსებული თქვენს ორგანიზაციაზე. ნიუსრუმის შექმნა და მასზე თქვენს შესახებ ინფორმაციის განთავსება უფასოა. მას შემდეგ, რაც თქვენმა ორგანიზაციამ შექმნა საკუთარი პროფილი PUBLICITY.GE - ზე და უკვე გააჩნია ნიუსრუმი, თქვენ შეგიძლიათ შემდეგი მომსახურებებით სარგებლობა: მომსახურება 1 - მედია მასალის განთავსება მოამზადეთ მედია ანონსი, პრესრელიზი ან ვიდეო რელიზი მულტიმედია ფორმატში მარტივი, ონლაინ ფორმის შევსების გზით, რომელსაც თქვენი პროფილიდან შექმნით. აირჩიეთ ის მედია საშუალებები, ჟურნალისტები და სხვა მომხმარებლები, რომლებიც არიან დარეგისტრირებულები PUBLICITY.GE - ზე და ღილაკზე ერთი დაწკაპუნებით გაავრცელეთ თქვენს მიერ მომზადებული მულტიმედია სიახლე ხელმომწერებში. მათ თქვენი გზავნილი მეილზე ბმულის სახით მიუვათ. გარდა ამისა, თქვენი მედია ანონსი, პრესრელიზი ან ვიდეო რელიზი ავტომატურად განთავსდება PUBLICITY.GE - ს თემატურ კატეგორიაში და ის ხელმისაწვდომი იქნება ამ საიტის ვიზიტორებისათვის. მომსახურება 2 - მედიაში გარანტირებული გავრცელება თუ თქვენ დაინტერესებული ხართ, რომ თქვენი მედია ანონსი, პრესრელიზი ან ვიდეო რელიზი გარანტირებულად რომელიმე თქვენთვის სასურველ მედია საშუალებაში გავრცელდეს, აირჩიეთ გარანტირებული გავრცელება, მონიშნეთ ერთი ან რამოდენიმე მედია საშუალება, სადაც გინდათ რომ ინფორმაცია თქვენზე გარანტირებულად გავრცელდეს და დააწკაპუნეთ გაგზავნის ღილაკს. თქვენი სიახლე გაიგზავნება თქვენს მიერ შერჩეულ ხელმომწერებში, ის ავტომატურად აისახება საიტზე PUBLICITY.GE და გარანტირებულად, 2 დღის განმავლობაში გავრცელდება თქვენს მიერ შერჩეულ მედია საშუალებაში. მომსახურება 3 - მედია მასალის მომზადება თუ თქვენს ორგანიზაციას არ ყავს მედია მასალის მომზადებაზე პასუხისმგებელი პირი, ან სხვა საქმეების გამო, მსგავსი მასალის მოსამზადებლად დრო არ გრჩებათ, ჩვენი თანამშრომლები დაგეხმარებიან მედია ანონსების, პრესრელიზებისა და ვიდეო რელიზების მომზადებაში. ჩვენ, ბოლო რამოდენიმე წელიწადია საკმაოდ დიდი გამოცდილება დაგვიგროვდა მსგავსი მასალების მომზადების საქმეში. ჩვენი გუნდი, თქვენს სიახლეს სწორ პოზიციონირებას მისცემს და მას წაკითხვადს გახდის. ჩვენი ბიზნეს მოდელი ერთი მხირვ, ჩვენი მომსახურება განკუთვნილია მედიის წარმომადგენლებისათვის. PUBLICITY.GE - ის საშუალებით, ჟურნალისტები მათ ელექტრონულ ფოსტაზე, ინტერნეტ ბმულის საშუალებით რეგულარულად იღებენ თქვენს მიერ გავრცელებულ მედია ანონსებს, პრესრელიზებსა და ვიდეო რელიზებს მულტიმედია ფორმატში. გარდა ჟურნალისტებისა, თქვენს მიერ გავრცელებულ მედია მასალებს, ელექტრონულ ფოსტაზე ასევე იღებს სხვა მომხმარებელი. ხელმომწერთა ბაზა რეგულარულად განახლებადია. მეორე მხრივ, ჩვენი მომსახურება განკუთვნილია სხვადასხვა ტიპის ორგანიზაციებისთვის, რომლებიც ჩვენი სახით, სანდო და პროაქტიულ პარტნიორს იძენენ მედიასთან და საზოგადოებასთან ურთიერთობების საკითხებში, რაც ხელს უწყობს მათი ორგანიზაციების რეპუტაციის მართვას. მესამე მხრივ, ჩვენი სერვისი შეიძლება განხილულ იქნას, როგორც დამატებითი მედია საშუალება, WEB 2 პლათფორმა, რომელიც საკუთარ სივრცეში სამუდამოდ განათავსებს თქვენს მედია ანონსს, პრესრელიზს, ვიდეო რელიზს და თქვენი ორგანიზაციის ნიუსრუმს. ეს ინფორმაცია ხელმისაწვდომი იქნება ყველა ინტერნეტ მომხმარებლისთვის. ინტერნეტში თქვენი ინფორმაციის უფრო ფართოდ გავრცელების მიზნით, ჩვენი სოციალური მედია პლათფორმების საშუალებით, ჩვენ ხელს ვუწყობთ თქვენი სიახლის ფართო წრეებში გაზიარებას და ამ მხრივ, თქვენი ონლაინ ცნობადობის ზრდას.
ფაქტების ფურცელი
წლიური ანგარიშები
ბიბლიოთეკა
ფოტო გალერეა
ვიდეო გალერეა
მედია ჩვენზე
სოციალური მედია არხები
ვებგვერდი
მედია კონტაქტები
მაია ჩიტაშვილი
პიარ ექსპერტი
593260906
maiko@publicity.ge