ტარიელ მაისურაძე ქართველ და აფხაზ მომღერლებს „შერიგების ფესტივალზე“ აამღერებს

ტარიელ მაისურაძე გუდაუთელი, აფხაზეთიდან დევნილი ხელოვანია. საეტსტრადო და სამსახიობო მოღვაწეობა ტარიელმა აფხაზეთში დაიწყო, ხოლო შემდეგ ბელორუსიაში მოუწია გაგრძელება. უცხო მიწაზე მან მალევე მოიპოვა ადგილობრივი მსმენელის სიყვარული და დღეს იგი ამ ქვეყნის საპატიო მოქალაქე, დამსახურებული არტისტი და საზოგადო მოღვაწეა. მიუხედავად მძიმე პერიოდისა და მრავალი სირთულისა მომღერალმა შეძლო ღირსეული ადგილი დაემკვიდრებინა აღმოსავლეთ ევროპაში, როგორც ქართველ ხელოვანს. ახლახანს ტარიელი საქართველოში დაბრუნდა თავისი გრანდიოზული პროექტით, რომლის მიზანიც აფხაზ და ქართველ მომღერლებთან ერთად „შერიგების ფესტივალის“ გამართვაა.

„ჩემი პროექტი, რომელზეც დიდი ხანია ვფიქრობდი, მინდა გარკვეული ხიდი იყოს არა მხოლოდ აფხაზებსა და ქართველებს შორის, არამედ სხვა ერებს შორის. კონცერტს რუსი ხელოვანებიც შემოუერთდებიან, რადგან მჯერა მხოლოდ სიყვარული, სიკეთე და ხელოვნება გაამთელებს იმ ხიდს, რომელიც ჩვენს მშობლიურ აფხაზებს ჩვენამდე მოიყვანს“. - განაცხადა ტარიელ მაისურაძემ. „ჩემი ძმა რომელიც აფხაზეთთან ომის დროს დაიღუპა და ეროვნული გმირია, სიხარულით შეხვდებოდა ჩემს პროექტს, რადგან დროა ომი და ძალადობა ერთმანეთის სიყვარულმა ჩაანაცვლოს და დაახლოოს ჩვენი ხალხი“.

ტარიელ მაისურაძემ თბილისში დაბრუნება და პროექტზე მუშაობა, სწორედ მასშტაბური პროექტის გამო გადაწყვიტა და იმედოვნებს, რომ მის ინიციატივას მრავლი მხარდამჭერი გამოუჩნდება, როგორც სახელმწიფოს, ასევე საზოგადოების მხრიდან. ამ ეტაპზე პროექტის განხორციელებაზე მუშაობა აქტიურ ფაზაშია გადასული და მომღერალი ჯგუფ "ინკონტაქტ"-თან ერთად გადის რეპეტიციებს და ქართულ რეპერტურზეც მუშაობს. ახალი ქართული სიმღერების პრეზენტაცია უახლოეს მომავალში შედგება. საქველმოქმედო კონცერტს დევნილი მომღერალი საესტრადო-სიმფონიურ ორკესტრთან, ასევე ქართველ, აფხაზ, ოს, რუს და ბელორუს კოლეგებთან ერთად მიმდინარე წელს გამართავს.

ტარიელ მაისურაძის შესახებ:
ტარიელ (ტატო) მაისურაძე დაიბადა გუდაუთაში. იგი გახლავთ ბელორუსიის ესტრადის პოპულარული მომღერალი, კომპოზიტორი, მსახიობი და ტელეწამყვანი, ბელორუსიის მუსიკოსთა კავშირის წევრი, საქართველოსა და ბელორუსიის მოქალაქე, რუსეთის ფედერაციის საპატიო მოქალაქისა და ორდენის, რუსეთის ფედერაციის საპატიო არტისტის და ორდენის წოდების მფლობელი.
პროფესიული წარმატებები:
კარიერის დაწყებიდან ტარიელ მაისურაძე აქტიურად მონაწილეობდა სხვადასხვა ფესტივალებსა და კონკურსებში. იგი გახლავთ არაერთი კონკურსის გამარჯვებული და პრიზიორი:
• ახალგაზრდა მომღერალთა საერთაშორისო კონკურსის „ზლოტოვ”- ის ''გრან პრის'' მფლობელი, პოლონეთი
• საერთაშორისო ფესტივალ „სლავიანსკი ბაზარ”- ის გამარჯვებული
• ბელორუსიის პოეზიისა და სიმღერის ფესტივალ ''მოლოდეჩნო' - ს გამარჯვებული
• ბელორუსიის ნაციონალური პრემიის "ქვეყნის საუკეთესო კომპოზიტორი"-ს გამარჯვებული
• ნაციონალურ ფესტივალ ''ბელორუსიის წლის სიმღერა''- ის გამარჯვებული
• ბელორუსიი სატელევიზიო ფესტივალ ''ევროპის გზაჯარედინი''-ს გამარჯვებული

ტარიელ მაისურაძის სიმღერები გამოქვეყნებულია ათამდე მუსიკალურ ალბომში;იგი მონაწილეობდა 20-მდე მხატვრულ ფილმში; გახლავთ არაერთი სატელევიზიო პროექტისა და სატელევიზიო გადაცემის ავტორი და წამყვანი; ასევე სხვადასახვა რადიო პროექტის ავტორი; ტარიელი პარალერურად პედაგოგიურ მოღვაწეობასაც ეწევა. იგი ქ.მინსკის თანამედროვე მცოდნეობის ინსტიტუტის, საესტრადო განყოფილების ლექტორია; ტარიელი ასევე გახლავთ ქართველი ემიგრანტების ჯგუფი "გორდა"-ს ხელმძღვანელი.

ტარიელ მაისურაძეს ჰყავს აფხაზეთიდან დევნილი მოხუცი მშობლები და ორი შვილი: გიორგი და თინათინი.

დეტალური ინფორმაციისთვის:
FB: fb.me/TARIELTM,
Web page: www.ttmstar.by
YouTube channel https://www.youtube.com/watch?v=gvPBTU9PbJs

საკონტაქტო პირი:
მაიკო ჩიტაშვილი
593260609