26 თებერვალი, 2016
დაუყოვნებლივ გავრცელებისათვის
საკონტაქტო ინფორმაცია:
მაიკო ჩიტაშვილი,
maiko@publicity.
+995593260609; www.iyipo.ge

2016 წლის, 25 თებერვალს, ლიკანში ახალი პროექტის „ახალგაზრდების სამეწარმეო უნარ-შესაძლებლობების, დასაქმებისა და შემოსავლის გენერირების მხარდაჭერის პროექტი საქართველოში'' (YES-Georgia) ფარგლებში პირველი მედია შეხვედრა გაიმართა.

შეხვედრის მიზანს წარმოადგენდა ჟურნალისტები გაცნობოდნენ პროექტის ძირითად მიმართულებებს და მის ერთ-ერთ მნიშვნელოვან კომპონენტს -„მეწარმეობა ახალგაზრდებისთვის", პროექტი მოიცავს 17- დან 25 წლამდე ახალგაზრდებისთვის სპეციალურ 3 თვიან სასწავლო პროგრამას, რაც საქართველოს 21 ქალაქში განხორციელდება და რის შედეგადაც დაფინანსდება 30 ახალი ახალგაზრდული ბიზნესი. ახალი პროექტის ფარგლებში ასევე დაგეგმილია ახალგაზრდების სტაჟირების პროგრამების დანერგვა საქართველოს 20 კომპანიაში და დისკუსიის დაწყება ახალგაზრდების თვითდასაქმებისა და დასაქმების საკითხებზე.

მედია შეხვედრაში მონაწილეობა მიიღეს პროექტში ჩართულმა მხარეებმა: ფონდმა კრისტალმა, ორგანიზაცია PH International-მა, მიკრო საფონანსო ორგანიზაცია „კრისტალმა" და პროექტის ფინანსურმა მხარდამჭერმა, ამერიკის შეერთებული შტატების საერთაშორისო განვითარების სააგენტომ (USAID). ღონისძიების საერთაშორისო პანელში ასევე მონაწილეობა მიიღეს საქართველოში ვიზიტად მყოფმა ბრიტანელმა და ამერიკელმა ინვესტორებმა, რომლებმაც საქართველოში ფონდი „კრისტალის" მოწვევით იმყოფებიან.