ავტორიზაცია
რეგისტრაცია
პაროლის აღდგენა
პრესრელიზი
14/05/2024
2024 წლის პროფესიული განათლების ეროვნული ჯილდოს კონკურსი იწყება

15 მაისს, 12:00 საათზე, საქართველოს საავიაციო უნივერსიტეტის სააქტო დარბაზში, (მისამართი: თბილისი, ქეთევან წამებულის გამზირი 16, მეოთხე სართული) ათასწლეულის ფონდის ორგანიზებით, პროფესიული განათლების ეროვნული ჯილდოს კონკურსის გამოცხადების ღონისძიება გაიმართება.

პროფესიული განათლების ეროვნული ჯილდო ათასწლეულის ფონდის ინიციატივით წელს მეშვიდედ ჩატარდება და ტრადიციულად, მისი მხარდამჭერი გუდავაძე - პატარკაციშვილის ფონდია.


გამარჯვებულები ოთხ ძირითად საკონკურსო კატეგორიაში გამოვლინდებიან. სპეციალური ჯილდოები გაიცემა საქართველოს პარლამენტის, პროფესიული უნარების სააგენტოს და საქართველოში ისრაელის საელჩოს მიერ. ჯილდოს მხარდამჭერია საქართველოს განათლების, მეცნიერების და ახალგაზრდობის სამინისტრო.


2024 წელს პროფესიული განათლების ეროვნული ჯილდოს კონკურსის ფარგლებში გამოვლინდებიან გამარჯვებულები შემდეგ კატეგორიაში:
• წლის პროფესიული საგანმანათლებლო პროგრამა
• წლის პროფესიული განათლების მასწავლებელი
• წლის პროფესიული განათლების სტუდენტი
• წლის პროფესიული განათლების ბიზნეს პარტნიორი
• საქართველოს პარლამენტის სპეციალური ჯილდო - ინკლუზიური პროფესიული განათლების ხელშეწყობა
• პროფესიული უნარების სააგენტოს სპეციალური ჯილდო - დამსაქმებელთან/ბიზნესთან თანამშრომლობის საუკეთესო პრაქტიკა
• საქართველოში ისრაელის საელჩოს სპეციალური პრიზი



პროფესიული განათლების ეროვნული ჯილდოს ყოველწლიური კონკურსი 2017 წლიდან იმართება და მისი მიზანია პროფესიული განათლების, როგორც ქვეყნის ეკონომიკის გაძლიერების მნიშვნელოვანი კომპონენტის, განვითარება და პოპულარიზაცია. ჯილდოს გენერალური სპონსორია გუდავაძე-პატარკაციშვილის ფონდი. კონკურსის მხარდამჭერია საქართველოს განათლების, მეცნიერების და ახალგაზრდობის სამინისტრო.



პროფესიული განათლების 2024 წლის ეროვნული ჯილდოსთვის საკონკურსო განაცხადების მიღება შესაძლებელია ფონდის ვებ-გვერდზე https://millennium.org.ge/geo/projects/detailed/6
განაცხადების წარდგენის ბოლო ვადაა 2024 წლის 24 ივნისი.
დამატებითი ინფორმაციისთვის ან შეკითხვების შემთხვევაში, დაუკავშირდით ნინო ჯაფარიძეს (+995 591 21 82 82, tvet@millennium.org.ge).


 

ორგანიზაციის შესახებ
წაკითხულია: 445