აღსანიშნავია ტურნე აშშ-ში (2012), რომლის ფარგლებში `ბასიანს~ უკვე მეორედ მოუწია გამოსვლა მსოფლიოში ერთ-ერთ ყველაზე პრესტიჟულ, ნიუ-იორკის ~ლინკოლნ ცენტრის~ სცენაზე. პირველი გამოსვლა კი შედგა 2010 წელს, როდესაც `ლინკოლნ ცენტრის~ ერთ-ერთი დარბაზის, Alice Tully Hall - ის სცენაზე, "Mostly Mozart Festival~-ის ფარგლებში გაიმართა კონცერტი, სახელწოდებით `ბახი და მრავალხმიანობები~. აქ, პირველად, ქართული მუსიკის ისტორიის მანძილზე, ქართული ტრადიციული პოლიფონია გაჟღერდა გენიალური ი.ს. ბახისა და სხვა ევროპელ კლასიკოსთა შედევრების გვერდით. ანსამბლის ფართო წარმატებების შესახებ არაერთგზის აღინიშნა ისეთ ცნობილ პრესაში, როგორიცაა "The New York Times" , "The Wall Street Journal".

2015 წლის 19 თებერვალს კონსერვატორიის დიდ დარბაზში „ბასიანმა" სოლო კონცერტი გამართა, სადაც მსმენელის წინაში ახალი პროგრამით წარსდგა.

2015 წლის 21-28 თებერვალს ესპანელ ეთნომუსიკოლოგ პოლო ვალეხოს ინიციატივით, "ბასიანი" გასტროლით ესპანეთში გაემგზავრა, სადაც მადრიდში, სანტანდერსა და ზარაგოზაში სამი სოლო კონცერტი გამართა. „ბასიანი" უკვე რამოდენიმე წელია რაც ქართული მრავალხმიანობის კვლევის საკითხებზე აქტიურად თანამშრომლობს პოლო ვალეჰოსთან. კონცერტების პარალელურად „ბასიანმა" ესპანეთში უცხოელი მსმენელისთვის მასტერ-კლასები ჩაატარა.

მადრიდში გამართულ კონცერტს მაღალი წრის საზოგადოება დაესწრო, მათ შორის ცნობილი მუსიკოსები, მხატვრები, ფოტოგრაფები.

„ბასიანის" კონცერტებს ესპანურ პრესაში დიდი გამოხმაურება მოჰყვა, დაიბეჭდა არაერთი სტატია: მათ შორის გაზეთ Heraldo de Aragon-მა გამოაქვეყნა სტატია სახელწოდებით „საქართველოდან ზეცამდე" სადაც ნახსენებია და ხაზგასმულია ანსამბლის მაღალპროფესიონალური საშემსრულებლო ხელოვნება.

2015 წელს ანსამბლს რამოდენიმე მნიშვნელოვანი გასტროლი აქვს დაგეგმილი, აგრეთვე ახალი ალბომის გამოშვება და აგრეთვე „ბასიანზე" დოკუმენტური ფილმის გადაღება, სადაც ასახული იქნება ანსამბლის მოღვაწეობის 15 წლის მანძილზე მიღწეული წარმატებები.