Publicity.Ge- პრესრელიზების გავრცელების სააგენტო

ავტორიზაცია

რეგისტრაცია

ბათუმი-თბილისის საერთაშორისო ფესტივალი „ღამის სერენადები“

25/08/2015

მედია ანონსი

25 აგვისტო, 2015
დაუყოვნებლივ გავრცელებისათვის

ბათუმი-თბილისის საერთაშორისო ფესტივალი „ღამის სერენადები"

26 აგვისტოს, 21:00 საათზე ბათუმის ზ. ფალიაშვილის სახელობის სამუსიკო სასწავლებლის საკონცერტო დარბაზში, ფესტივალ „ღამის სერენადების" ფარგლებში, რიგით მეორე კონცერტი გაიმართება. ღონისძიებაში მონაწილეობას მიიღებს საერთაშორისო კამერული ანსამბლი „ვირტუოზები" - სოლისტები: ანა-ლიზა ბეზროდნი - ვიოლინო (ინგლისი/ფინეთი); იური ჟისლინი - ალტი (ინგლისი); იან-ერიკ გუსტაფსონი - ჩელო (ინგლისის/შვედეთი); თამარ ლიჩელი - ფორტეპიანო (საქართველო); ლავარდ სკოუ ლარსენი - ვიოლინო (ავსტრია); დირიჟორი: ლავარდ სკოუ ლარსენი. კონცერტზე შესრულდება მოცარტის, ბახის, ჰენდელი/ჰალვორსენისა და შოსონის ნაწარმოებები.

საქართველოს კულტურისა და ძეგლთა დაცვის სამინისტროს მხარდაჭერით, 25 აგვისტოდან 4 სექტემბრამდე უკვე მეშვიდედ იმართება საერთაშორისო ფესტივალი „ღამის სერენადები", რომელშიც მონაწილეობას ლიანა ისაკაძესთან და მის მიერ შექმნილ „მსოფლიო კამერულ ანსამბლ ვირტუოზებთან" ერთად მსოფლიოში ცნობილი სოლისტები და დირიჟორები ღებულობენ.

2015 წელს, თბილისის საკრებულოს მხარდაჭერით, ფესტივალს თბილისი-ბათუმის საერთაშორისო ფესტივალის სახელი მიენიჭა. საფესტივალო საღამოები ბათუმში 25, 26, 28 და 30 აგვისტოს ჩატარდება, ხოლო 2 და 3 სექტემბერს კონცერტები თბილისში, კონსერვატორიის დიდ დარბაზში გაიმართება. ფესტივალი 4 სექტემბერს, სასტუმრო „რედისონ ბლუ, ივერიაში" დასკვნითი საქველმოქმედო საღამოთი დასრულდება. კონცერტიდან შემოსული თანხა, ლიანა ისაკაძისა და ანსამბლ „ვირტუოზების" სურვილით, „საქართველოს სოლიდარობის ფონდს" ონკოლოგიური სენით დაავადებული ბავშვების დასახმარებლად გადაერიცხება.

ფესტივალის მთავარი პარტნიორები არიან საქართველოს კულტურისა და ძეგლთა დაცვის სამინისტრო, ქ. ბათუმის მერია, ქ. თბილისის საკრებულო, თბილისის მერია და თბილისის კულტურული ღონისძიებების ცენტრი.

ფესტივალის ისტორია გასული საუკუნის 80-იან წლებში იწყება და საქართველოს უმშვენიერეს მხარეს, აფხაზეთსა და მის კურორტ ბიჭვინთას უკავშირდება. 1991 წელს ფესტივალმა არსებობა შეწყვიტა და მხოლოდ 18 წლის შემდეგ, 2009 წელს, კვლავ საქართველოს ზღვისპირეთში - ქალაქ ბათუმში, ლიანა ისაკაძის ინიციატივითა და ბათუმის მერიის მხარდაჭერით აღდგა.

2011 წლიდან ფესტივალის საბაზო ორკესტრია, ლიანა ისაკაძის მიერ შექმნილი „მსოფლიო კამერული ანსამბლი ვირტუოზები", რომელშიც გაერთიანებული არიან ცნობილი სოლისტი-შემსრულებლები მსოფლიოს სხვადასხვა ქვეყნიდან. ამ ორკესტრმა უკვე მოიპოვა საერთაშორისო აღიარება, რასაც ადასტურებს მათი არაერთი წარმატებული კონცერტი, როგორც საქართველოში, ისე მის ფარგლებს გარეთ. აღსანიშნავია, 2014 წელს ინგლისში, ხოლო 2015 წელს აშშ-ში ჩატარებული კონცერტები. ნიუ იორკში გამართული საქველმოქმედო კონცერტი 6 ივნისს, „კარნეგი ჰოლში" საქართველოს პრემიერ-მინისტრის, ბატონი ირაკლი ღარიბაშვილის პატრონაჟით ჩატარდა და დიდი წარმატებაც მოიპოვა. კონცერტიდან მიღებული შემოსავალი ნიუ იორკის წმ. ნინოს სახელობის ქართულ ეკლესიას გადაეცა.

პ რ ო გ რ ა მ ა

25 აგვისტო - ბათუმი - ზ. ფალიაშვილის სახ. სამუსიკო სასწავლებლის საკონცერტო დარბაზი;

2 სექტემბერი - თბილისი - კონსერვატორიის დიდი დარბაზი;

საერთაშორისო კამერული ანსამბლი "ვირტუოზები"

სოლისტი: ლიანა ისაკაძე - ვიოლინო (საქართველო/საფრანგეთი)

დირიჟორი: ცეზარ ალვარესი (ესპანეთი)

• მოცარტი - 7 დიდი ოპერის უვერტიურა -„იდომენეა", „გატაცება სერალიდან", „ფიგაროს ქორწინება", „ასე იქცევა ყველა ქალი", „ტიტუსის გულმოწყალება", „ჯადოსნური ფლეიტა", „დონ ჯოვანი";

• მენდელსონი - კონცერტი ვიოლინოსა და ორკესტრისთვის, მი მინორი;

26აგვისტო - ბათუმი - ზ. ფალიაშვილის სახ. სამუსიკო სასწავლებლის საკონცერტო დარბაზი;

საერთაშორისო კამერული ანსამბლი "ვირტუოზები"

სოლისტები: ანა-ლიზა ბეზროდნი - ვიოლინო (ინგლისი/ფინეთი)

იური ჟისლინი - ალტი (ინგლისი)

იან-ერიკ გუსტაფსონი -ჩელო (ინგლისი/შვედეთი)

თამარ ლიჩელი - ფორტეპიანო (საქართველო)

ლავარდ სკოუ ლარსენი - ვიოლინო (ავსტრია)

დირიჟორი: ლავარდ სკოუ ლარსენი

• მოცარტი - „ღამის პატარა სერენადა"

• ი. ს. ბახი - „გოლდბერგის ვარიაციები" (გადამუშავებული სიმებიანი ტრიოსთვის დ. სიტკოვეცკის მიერ)

• ჰენდელი/ჰალვორსენი - „პასაკალია" ვიოლინოსა და ჩელოსათვის