Publicity.Ge- პრესრელიზების გავრცელების სააგენტო

ავტორიზაცია

რეგისტრაცია

გენდერული კვირეული IV

04/03/2009

მედია ანონსი

4 მარტი, 2009
დაუყოვნებლივი გავრცელებისათვის

გენდერული კვირეული IV

თბილისი. 4 მარტი 2009 - 2009 წლის 5 მარტიდან 11 მარტის ჩათვლით საქართველოში უკვე მეოთხედ აღინიშნება გენდერული კვირეული, რომლის ფარგლებში გაიმართება შემდეგი ღონისძიებები:

გორი, 5 მარტი, 14:00 საათი

გორის გენდერული თანასწორობის რესურს ცენტრში გაიმართება მრგვალი მაგიდა ”გენდერული თანასწორობის რესურს ცენტრისა და არასამთავრობო ორგანიზაციების თანამშრომლობის პერსპექტივები". მისამართი, გორი, სტალინის ქ.16

თბილისი, 6 მარტი, 11:00 საათი

ქალისა და გენდერულ საკითხებზე მომუშავე ორგანიზაციების გამოფენა. ღონისძიებას ოფიციალურად გახსნის გაეროს მუდმივი წარმომადგენელი საქართველოში ბ-ნ რობერტ უოთკინსი. გამოფენის მსვლელობისას პარალელურად გაიმართება ფოტო გამოფენა, ვიდეო ჩვენებები და მრგვალი მაგიდები. მისამართი: თბილისი, მერაბ ბერძენიშვილის სახელობის კულტურის საერთაშორისო ცენტრი "მუზა", კუს ტბის ასახვევი.

თბილისი, 7 მარტი, 9:00 საათი

საქართველოს მორბენალ ქალთა კლუბის მიერ ქალთა საერთაშორისო დღისადმი მიძღვნილი 6 კილომეტრიანი მარათონი კუს ტბაზე. მისამართი: თბილისი, კუს ტბის წრიული ტერიტორია.

თბილისი, 9 მარტი, 17:00 საათი

საუკეთესო ჟურნალისტური ნამუშევრების სხვადასხვა ნომინაციაში გამარჯვებულთა გამოვლენა და ოფიციალური დაჯილდოება. მისამართი: თბილისი, სასტუმრო "ვერე პალასი", 24 / 8 ქუჩიშვილის ქ. (იაკობ ნიკოლაძისა და ქუჩიშვილის ქუჩების კუთხე ).

თბილისი, 10 მარტი, 16:00 საათი

გაეროს ქალთა ფონდი წარმოგიდგენთ 2008/2009 წლების ანგარიშს მსოფლიოში ქალთა მდგომარეობის შესახებ `ვინ პასუხობს ქალებს? გენდერი და ანგარიშვალდებულება", პრეზენტაციის შემდეგ გაიმართება ფილმის ჩვენება. პრეზენტაცია გაიმართება კონოთეატრ ამირანში.

თბილისი, 11 მარტი, 17:00 საათი

გენდერული ბალანსის მქონე საუკეთესო ბიზნეს კომპანიების გამოვლენა და დაჯილდოება. ღონისძიებას ოფიციალურად გახსნიან და გამარჯვებულ კომპანიებს საპატიო პრიზებითა და სიგელებით დააჯილდოებენ საქართველოს პარლამენტის თავმჯდომარის მოადგილე, პარლამენტის თავმჯდომარესთთან არსებული გენდერული საკითხების საკონსულტაციო საბჭოს თავმჯდომარე, ქ-ნი რუსუდან კერვალიშვილი და საქართველოს დამსაქმებელთა ასოციაციის თავმჯდომარე ბ-ნ ელგუჯა მელაძე. მისამართი: თბილისი, სასტუმრო - საკონფერენციო კომპლექსი "დ პლაზა", სტანისლავსკის ქ.5 (შესახვევი წერეთლის გამზირიდან).

გენდერულ კვირეულში მონაწილოებას მიიღებენ პარლამენტის თავმჯდომარესთან არსებული გენდერული თანასწორობის საკონსულტაციო საბჭოს წევრები, გაეროს განვითარების პროგრამის და გაეროს სააგენტოების, საერთაშორისო და დონორი ორგანიზაციების, არასამთავრობო ორგანიზაციების, სამთავრობო სტრუქტურების და მედიის წარმომადგენლები.

რიგით მეოთხე გენდერული კვირეულის ორგანიზატორები არიან გაეროს განვითარების პროგრამის პროექტი "გენდერი და პოლიტიკა" და გაეროს მოსახლეობის ფონდის პროექტი "დავძლიოთ გენდერული ძალადობა ამიერკავკასიაში". კვირეულის ღონისძიებების მხარდამჭერია საქართველოს პარლამენტის თავმჯდომარესთან არსებული გენდერული საკითხების საკონსულტაციო საბჭო, გორის გენდერული თანასწორობის რესურს ცენტრი, ჯი-ეს-აის კვლევისა და სწავლების ინსტიტუტის "ქალთა ჯანმრთელობის პროგრამა საქართველოში" და საქართველოს დამსაქმებელთა ასოციაცია.

###

საკონტაქტო ინფორმაცია:
ბერდია ნაცვლიშვილი
პროექტის „გენდერი და პოლიტიკა"
საზოგადოებასთან ურთიერთობის კონსულტანტი
მობ: 893 333282
ტელ: 995 32 923662
ელ-ფოსტა: berdia.natsvlishvili@undp.org.ge