მედია ანონსი

15 დეკემბერი,2010
დაუყოვნებელი გავრცელებისათვის

საკონტაქტო პირი:
თეა გოცაძე
საზოგადოებასთან ურთიერთობების მენეჯერი
ტელ: (+995 32) 24 36 73
მობ: (+995 77) 47 77 61 

გუდვილი Mobi Pay-სთან ერთად ანგარიშსწორების ახალ სისტემას ნერგავს

[PUBLICITY.GE] თბილისი,  15 დეკემბერი, 2010 წელი - ხვალ, 16 დეკემბერს 11:00სთ-ზე გუდვილი და Moby Pay ჰიპერმარკეტ გუდვილში პრესკონფერენციას გამართავენ.

2011 წლიდან გუდვილის ქსელსა და ინტერნეტ-სუპერმარკეტში მომხმარებლებს საშუალება ექნებათ გადახდის ახალი მეთოდით, Mobi Pay-ით ისარგებლონ.

გუდვილი თავის მომხმარებლებს  2011 წლიდან  ინტერნეტ მაღაზიას შესთავაზებს, მომხმარებელი საქონლის შეძენას კიდევ უფრო მარტივად, სახლიდან  გაუსვლელად შეძლებს. ადგილზე მიტანის მომსახურებას DHL City Express-ი სრულიად საქართველოში უზრუნველყოფს.

Mobi Pay წარმოადგენს გადახდის ახალ მეთოდს, რომლის მეშვეობითაც მომხმარებელი  მობილურის მეშვეობით ახდენს ანგარიშსწორებას.

„დღესდღეობით გუდვილი ლიდერია მომხმარებელთა კმაყოფილებაზე ზრუნვასა და მომსახურების სფეროში", ამბობს გუდვილის გენერალური დირექტორი ბ-ნ ნუგზარ მაღულარია," Mobi Pay საშუალებას მისცემს ჩვენს მომხმარებლებს კომფორტულად, სწრაფად და მოსახერხებლად გააკეთონ შესყიდვები."

მომხმარებლებს Mobi Pay-ის გამოყენება შეუძლიათ:

• სავაჭრო ობიექტებში გადახდების განსახორციელებლად
• ახლობლებისთვის ფულის გადასარიცხად
• კომუნალური გადასახადების გადახდის მიზნით
• მობილურ ტელეფონზე სასაუბრო დროის შესავსებად
• ინტერნეტ შესყიდვების განსახორციელებლად

Mobi Pay-ის უპირატესობა მოხერხებულობა და სისწრაფეა, გარდა ამისა მომხმარებლებს საშუალება  ექნებათ მიიღონ  შეღავათები და სპეციალური შეთავაზებები.

"Mobi Pay"- ის გადახდის სისტემით სარგებლობა პირველ ეტაპზე მხოლოდ "ჯეოსელის" აბონენტებისთვის იქნება ხელმისაწვდომი.