16 ნოემბერი, 2011
დაუყოვნებელი გავრცელებისათვის

თბილისში, 17 ნომებერს, სასტუმრო "რედისონ ბლუ ივერია"-ში,  მსოფლიოში წამყვანი გამოცემა "ეკონომისტის" ორგანიზებით "ეკონომისტის კონფერენცია"  იგეგმება. სამიტის მიზანია საქართველოს საინვესტიციო პერსპექტივების ფუნდამენტური ანალიზი თავისუფალი და გამჭვირვალე დისკუსირების გზით.

კონფერენციის თემასთან და მის ძირითად მიზნებთან დაკავშირებით,  თბილისის სამიტის თავმჯდომარე  დუგლას ტომპსონი და საინვესტიციო სააგენტოს ხელმძღვანელი ქეთევან ბოჭორიშვილი, 16 ნოემბერს, 11.30 ზე, თბილისი რედისონში ერთობლივ პრესკონფერენციას გამართავენ.

"ჩვენ ვგეგმავთ დავადგინოთ საქართველოს საბაზრო ეკონომიკის პოტენციალი და წარმოვაჩინოთ ბიზნესის წარმოების და ინვესტირების რეალობა საქართველოში საერთაშორისო ინვესტორებისთვის საინტერესო რაკურსში. ჩვენ  არ ვეუბნებით ყველას  "ჩადე  ინვესტიცია საქართველოში". ჩვენი მიზანია, რომ ღიად და გულწრფელად ვისაუბროთ საქართველოზე, როგორც მიმზიდველ და საინტერესო საინვესტიციო გარემოზე. ამ სამიტის მიზანია მოვახდინოთ ინვესტორთა ინტერესის ფოკუსირება, რათა მათ თავად გადაწყვიტონ არის თუ არა საქართველო მათთვის ხელსაყრელი  ბაზარი", აღნიშნა დუგლას ტომსონმა/ თბილისის სამიტის თავმჯდომარე და Eცონომისტ ჩონფერენცეს -ის პროგრამების დირექტორი.

სამიტის მსვლელობისას სხვა და სხვა საერთაშორისო კომპანიების ლიდერები განიხილავენ და ისაუბრებენ იმის შესახებ  თუ როგორი შედეგის მომტანი იქნება მათი ინვესტიციები და ის საერთაშორისო სტრატეგიული ხედვები, რომლებიც ინერგება საქართველოს ამჟამინდელ ბიზნეს რეალობაში.

"რა თქმა უნდა, ტურიზმი საქართველოს ეკონომიკის განვითარებისთვის უმთვარეს ფაქტორად  რჩება, მაგრამ ასევე  არ უნდა დაგვავიწყდეს ვაჭრობისა და ბიზნესის განვითარების სტრატეგიული გზების დასახვა ", აღნიშნა  არილდ ჰოულენდმა/ "რეზიდორის" ბიზნეს განვითარების უფროსი ვიცე პრეზიდენტი.

ქართველ გამომსვლელებს შორის შეხვედრას უმაღლესი სამთავრობო წრეების წარმომადგენლები დაესწრებიან.  მათ შორის საქართველოს პრემიერ მინისტრი_ნიკა გილაური, ფინანსთა მინისტრი_დიმიტრი გვინდაძე, ეკონომიკისა და მდგრადი განვითარების მინისტრი - ვერა ქობალია, რეგიონალური განვითარების და ინფრასტრუქტურის მინისტრი _ რამაზ ნიკოლაიშვილი, ენერგეტიკის მინისტრის მოადგილე _გიორგი ყაველაშვილი, პარტია "ჩვენი საქართველო_თავისუფალი დემოკრატების" ლიდერი_ირაკლი ალასანია. ისინი საქართველოს საინვესტიციო გარემოსა და ეკონომიკასთან დაკავშირებული ფუნდამენტური საკითხების ირგვლივ მოხსენებას გააკეთებენ.