2012 წლის 18 დეკემბერს (11:30 საათზე) საქართველოს პარლამენტის შენობაში გაიმართება ლაგოდეხის დაცული ტერიტორიების 100 წლისთავისადმი მიძღვნილი ფოტოგამოფენა.

ლაგოდეხის დაცული ტერიტორია პირველი დაცული ტერიტორიაა კავკასიაში, რომელიც 1912 წელს დაარსდა და გამორჩეულია ცხოველთა სამყაროს მრავალფეროვნებითა და მცენარეული ენდემური სახეობებით.

ღონისძიების ფარგლებში აგრეთვე დაგეგმილია გარემოს დაცვის სამინისტროს წინასაახალწლო აქცია: პარლამენტის წევრებს საჩუქრად გადაეცემათ ნაძვის ხის ნერგები.