მედია ანონსი 

1 მაისი, 2009
დაუყოვნებლივი გავრცელებისათვის

ნინო ანანიაშვილის საქველმოქმედო საღამო

2009 წლის 8 მაისი, 19:00 საათი - თბილისის ზ. ფალიაშვილის სახელობის ოპერისა და ბალეტის თეატრი, ნინო ანანიაშვილის ფონდი და ქართული ბალეტის მეგობართა საზოგადოება წარმოგიდგენთ საქველმოქმედო საღამოს, რომელიც ტარდება ძუძუს კიბოს საწინააღმდეგო აქციის - “მარათონი სიცოცხლის გადასარჩენად” მხარდაჭერის მიზნით. (დამატებითი იფორმაცია იხ. www.raceforthecure.ge).

###

პრობლემის შესახებ: საქართველოში ძუძუს კიბო ისეთივე სერიოზული პრობლემაა,  როგორც სხვა განვითარებულ ქვეყნებში. მაგრამ, მათგან განსხვავებით, კიბოს დიაგნოსტირება ხდება არა ადრეულ სტადიაზე, არამედ დაგვიანებულ, III-IV სტადიებზე. აღნიშნული ტენდენცია საგრძნობლად ამცირებს მკურნალობის ეფექტურობას და, რაც მთავარია, ზრდის სიკვდილობის მაჩვენებლებს. ძუძუს კიბოთი გამოწვეული სიკვდილობის მაჩვენებლის თვალსაზრისით საქართველო მეხუთე ადგილზეა  ევროპაში. ძირითადი მიზეზი კი ინფორმაციის ნაკლებობაა. სამწუხაროდ, მოსახლეობის უმრავლესობამ ნაკლებად იცის რომ ადრეულ ეტაპზე გამოვლენილი დაავადება სიცოცხლის შენარჩუნების გარანტიაა.