16 აპრილი,2015
დაუყოვნებლივ გავრცელებისათვის

ტურიზმის მე-17 საერთაშორისო გამოფენა 16-18 აპრილს გაიმართება, სადაც წარმოდგენილი იქნება ქართული რეწვის 20 - მდე ხელოსნისა და დაახლოებით 10 სახელოსნოს მიერ შესრულებული ნამუშევარი.

აღნიშნული გამოფენა ხელს უწყობს ტრადიციული ქართულ რეწვის უძველესი დარგების: მეთუნეობა, ჭედურობა, ტექსტილი პოპულარიზაციასა და განვითარებას.

გამოფენაზე უძველესი ტრადიციული სახეობების კვალდაკვალ, ინტერპრეტირებული ქართული სტილისტიკითა და ძველი ტექნოლოგიით შესრულებული ქართული ტრადიციული ხელოვნების თანამედროვე ნიმუშებიც იქნება წარმოდგენილი. ოსტატები რეწვის ნიმუშებს დამთვალიერებელთა თვალწინ დაამზადებენ.

ღინისძიების მხარდამჭერია ტურიზმის ეროვნული ადმინისტრაცია, ქ. თბილისის მერია, დაცული ტერიტორიების სააგენტო.