მედია ანონსი

29 მაისი, 2012
დაუყოვნებელი გავრცელებისათვის

საქართველოს მცირე და საშუალო საწარმოთა ასოციაცია მრგვალ მაგიდას გამართავს

საქართველოს მცირე და საშუალო საწარმოთა ასოციაცია  ოთხშაბათს,  30 მაისს  12.00 საათზე სასტუმროში „ამბასადორი" (მისამართი: შავთელის ქ. 13) აწყობს  მრგვალ მაგიდას, რომელიც  პროექტის „ბიზნესისათვის მეგობრული ჩარჩო კანონმდებლობის მხარდაჭერა საქართველოში"  ფარგლებში  ჩატარებული კვლევას მიეძღვნება. მრგვალი მაგიდის თემაა გადასახადებისაგან თავის არიდებისას სისხლის სამართლის პასუხისმგებლობა.

შეხვედრაში მონაწილეობას მიიღებენ აღმასრულებელი და საკანონმდებლო ხელისუფლების, ბიზნეს ომბუდსმენის ოფისის და ბიზნესის სფეროს წარმომადგენლები.

პროექტი დაფინანსებულია ევრაზიის თანამშრომლობის ფონდის მიერ „სამოქალაქო ინიციატივა დამოუკიდებელი მართლმსაჯულებისათვის" პროექტის ფარგლებში, ამერიკელი ხალხის  და შეერთებული შტატების საერთაშორისო განვითარების სააგენტოსა (USAID)  და აღმოსავლეთ-დასავლეთის მართვის  ინსტიტუტის  (EWMI)  მხარდაჭერით.