მედია ანონსი

12 მარტი, 2013
დაუყოვნებელი გავრცელებისათვის

საკონტაქტო ინფორმაცია:
საზოგადოებასთან ურთიერთობის სამსახური
pr@moe.gov.ge
+995 32 72 72 24
577293979
ინგა ნიკაგოსიანი

საჯარო დისკუსია ხდის ხეობაში შესაძლო მშენებლობასთან დაკავშირებით

ოთხშაბათს, 13 მარტს 15:00 საათზე, გარემოს დაცვის სამინისტროში (მის: გულუას ქ.#6, მე-4 სართული, საკონფერენციო დარბაზი) ჩატარდება საჯარო დისკუსია ხდის ხეობაში შპს „ყაზბეგი ჰესის" 6 მგვტ სიმძლავრის ყაზბეგის ჰიდროელექტროსადგურის შესაძლო მშენებლობასთან დაკავშირებით.

შეხვედრაში მონაწილეობას მიიღებენ გარემოს დაცვის მინისტრი ხათუნა გოგალაძე და სამინისტროს ეკოლოგიური ექსპერტიზისა და ინსპექტირების დეპარტამენტის წარმომადგენლები, აგრეთვე ის არასამთავრობო ორგანიზაციები და დამოუკიდებელი ექსპერტები, რომლებმაც წარმოადგინეს შენიშვნები და მოსაზრებები ხდის ხეობაში ჰიდროელექტროსადგურის მშენებლობის თაობაზე. აღნიშნული მოსაზრებები განთავსებულია გარემოს დაცვის სამინისტროს ვებ-გვერდზე: http://moe.gov.ge/index.php?lang_id=GEO&sec_id=40&info_id=2186

შეხვედრას აგრეთვე დაესწრებიან ენერგეტიკისა და ბუნებრივი რესურსების მინისტრის მოადგილე ილია ელოშვილი და სხვა წარმომადგენლები.