საქართველოს მცირე და საშუალო საწარმოთა ასოციაციის, ბანკი „რესპუბლიკისა" და საქართველოს ტექნოლოგიების გადაცემის ცენტრის პარტნიორობითა და ორგანიზებით გაიმართება შეხვედრა მცირე და საშუალო საწარმოთა ასოციაციის წევრებთან და სხვა მოწვეულ კომპანიებთან.

შეხვედრის მიზანია საბანკო პროდუქტები და მომსახურება მაქსიმალურად კლიენტზე მორგებული გახდეს და მცირე და საშუალო ბიზნესი გაეცნოს ბანკი „რესპუბლიკის" სამოქმედო გეგმას აღნიშნულთან დაკავშირებით.

შეხვედრა იქნება ინტერაქტიული, კომპანიებს მიეცემათ საშუალება დააფიქსირონ თავიანთი აზრი საბანკო მომსახურებასთან დაკავშირებით, დასვან კითხვები და მიიღონ ამომწურავი პასუხები.

შეხვედრა გაიმართება 10 და 11 დეკემბერს 19.00 საათზე ბანკი „რესპუბლიკის" სათავო ოფისში (გრ.აბაშიძის 2).