„CinéDOC-Tbilisi" შემოქმედებით დოკუმენტურ ფილმებს აერთიანებს. 14-19 ოქტომბერს, 5 დღის მანძილზე მაყურებელი გაეცნობა სხვადასხვა ჟანრის დოკუმენტურ ფილმებს, რომლებიც ქართული რეალობისთვის აქტუალურ თემებს შეეხება.

ფესტივალი წელს ტრადიციული 3 სექციის გარდა - „საერთაშორისო საკონკურსო პროგრამა", „Focus Caucasus", „CinéDOC-Young", რამდენიმე ახალ სექციას აერთიანებს: „უკრიანის ხმები" სადაც ნაჩვენები იქნება სამი თანამედროვე უკრაინული დოკუმენტური ფილმი და სექცია „სხვა სივრცე", რომელიც მაყურებელს მიგრაციის და ემიგრაციის თემასთან დაკავშირებულ დოკუმენტურ ფილმებს სთავაზობს. ფესტივალზე ასევე, წარმოდგენილი იქნება „IDFA Bertha Fund" - ის მიერ დაფინანსებული საუკეთესო ფილმები სექციაში „IDFA ფოკუსი". სპეციალური ჩვენებების შემდეგ თემების გარშემო გაიმართება ვრცელი დისკუსია; პროფესიონალებისთვის მოეწყობა ინდუსტრიული შეხვედრები (გოეთეს ინსტიტუტი) და დოკუმენტური კინოს მოყვარულებისთვის ჩატარდება თოქშოუები (საფესტივალო კაფე Divan-ი).

ფესტივალის ტრადიციული მხარდამჭერია საქართველოს კულტურისა და ძეგლთა დაცვის სამინისტრო, საქართველოს კინემატოგრაფიის ეროვნულ ცენტრთან ერთად.