ვინ?: შეხვედრას დაესწრებიან კერძო და საჯარო უნივერსიტეტების რექტორები, პრორექტორები და ხარისხის მართვაზე პასუხისმგებელი პირები. ღონისძიებაში ჩართულია კერძო უმაღლესი სასწავლებლების ასოციაცია.

რა?: შეხვედრაზე განიხილება ინსპექტორის აპარატის მიერ მომზადებული რეკომენდაცია საგანმანათლებლო დაწესებულებებში პერსონალურ მონაცემთა დაცვის შესახებ, გაიმართება დისკუსია პრაქტიკაში არსებული საკითხებისა და აქტუალური პრობლემების გარშემო.

სად?: სასტუმრო „ქორთიარდ მარიოტი“, თავისუფლების მოედანი 4

როდის?: 31 იანვარი 2018, 10:30

რატომ?: შეხვედრა ტარდება ევროკავშირისა და გაეროს განვითარების პროგრამის („UNDP“) მხარდაჭერით.
პერსონალურ მონაცემთა დაცვის გაძლიერება ევროკავშირისა და გაეროს ერთობლივი ინიციატივის „ადამიანის უფლებები ყველასათვის“ ერთ-ერთი პრიორიტეტია. სამწლიანი პროგრამა, რომლის ბიუჯეტი 4 მილიონ ევროს აღემატება, ხელს უწყობს ადამიანის უფლებების დაცვის ეროვნული სტრატეგიისა და სამოქმედო გეგმის განხორციელებას.