ტრენინგზე მოწვეულნი იყვნენ როგორც არასამთავრობო ორგანიზაციების ლიდერები, ასევე საჯარო სამსახურის , სასწავლო ცენტრების და რეგიონის ახალგზარდული საინიციატივო ჯგუფების წარმომადგენლები.

,,ახლა ჩვენი დროა" მოხალისეთა ქსელის შექმნა საქართველოში" არის პროექტი, რომელიც მიზნად ისახავს სამოქალაქო საზოგადოების განვითარების მხარდაჭერას საქართველოში. ამ მიზნის მისაღწევად აუცილებელია არასამთავრობო ორგანიზაციების საქმიანობის პროფესიონალიზაცია და ამ ორგანიზაციების ლიდერების ცოდნის გაზრდა მოხალისეთა ქსელის ჩამოყალიბებისა და მისი მართვის სფეროში. პროექტის ფარგლებში დაგეგმილია ვიზიტები პოლონეთში და იქაური არასამთავრობო ორგანიზაციების საქმიანობის გაცნობა. იგეგმება ინტერნეტ გევრდის შექმნაც, რომელიც დოკუმენტურად ასახავს საერთო საქმიანობას. 

პროექტი ხორციელდება საქართველოს ოთხ ქალაქში - თბილისში, გორში, ზუგდიდსა და ქუთაისში და ითვალისწინებს ამ ქალაქებში საკონსულტაციო პუნქტების შექმნას მოხალისეთათვის. აღნიშნული პუნქტების დახმარებით მოხდება მოხალისეთა პროგრამების რეალიზება. პროექტში მონაწილეობას იღებს ოთხი პარტნიორი ორგანიზაცია საქართველოდან. 

პროექტი დაფინანსებულია პოლონეთის რესპუბლიკის საგარეო საქმეთა სამინისტროს საგარეო დახმარების პროგრამის ,,დემოკრატიის ხელშეწყობა" ფარგლებში.