პრესრელიზი

22 იანვარი, 2012 
დაუყოვნებელი გავრცელებისათვის 

საკონტაქტო ინფორმაცია: 
მაია ჩიტაშვილი, 
593 260609; 
maiko@publicity.ge

flydubai მალდივების ეკზოტიკურ კუძულებზე დაფრინავს

დუბაის ინოვაციურმა, დაბალბიუჯეტიანმა ავიაკომპანიამ მალდივების დედაქალაქის, მალეს მიმართულებით პირველი პირდაპირი რეისი შეასრულა.

რეისი ნომრით FZ561 დუბაის საერთაშორისო აეროპორტის მეორე ტერმინალიდან 20 იანვარს 00.35 საათზე გაფრინდა და მალეს იბრაჰიმ ნასირის სახელობის საერთაშორისო აეროპორტში ადგილობრივი დროით 06.20 საათზე დაჯდა. პირველ რეისს საზეიმო მიღებით დახვდნენ მალდივების ხელისუფლების ოფიციალური წარმომადგენლები და flydubai-ს აღმასრულებელი დირექტორი გაიტ ალ გაიტი. ოფიციალური პირები ადგილობრივ და საერთაშორისო მედიის წარმომადგენლებთან ერთად დაესწრნენ Jumeirah Vittaveli-ს სასტუმროში გამართულ პრესკონფერენციას.

ტურიზმის, ხელოვნების და კულტურის მინისტრმა აჰმედ ადჰიბ აბდულ გაფურმა განაცხადა: flydubai-ს მიერ პირდაპირი ფრენების დაწყება ჩვენს მშვენიერ ქვეყანაში უამრავ ტურისტს მოიზიდავს. ჩვენი მოქალაქეები კი დუბაის ბილეთებზე ხელმისაწვდომი ტარიფებით ისარგებლებენ. flydubai-ს რეგულარული ფრენების შედეგად ჩვენ ველოდებით ჩვენი ქვეყნის ტურისტული პოტენციალის განვითარებას და ტურისტების ნაკადის მნიშვნელოვან ზრდას.

პრესკონფერენციაზე სიტყვით გამოსვლისას flydubai-ს აღმასრულებელმა დირექტორმა გაიტ ალ გაიტმა აღნიშნა:  ჩვენთვის მალეში რეგულარული რეისების დანიშვნა 2013 წლის შესანიშნავი დასაწყისია. საშუალება გვეძლევა ჩვენი ხელმისაწვდომი ტარიფი და ინოვაციური სერვისი ახალ, აქამდე აუთვისებელ ბაზარზე გავიტანოთ. დარწმუნებული ვარ, რომ მალდივები მგზავრებს მოხიბლავს და მიიზიდავსჩვენი ქსელის ტურისტებს, განსაკუთრებით სპარსეთის ყურისა და დსთ-ს ქვეყნებიდან, რომლებიც მარტივად შეძლებენ კუნძულებზე მოხვედრას რეგიონის ავიაციის ცენტრის - დუბაის გავლით.