4 ივნისი,2013
დაუყოვნებელი გავრცელებისათვის

საკონტაქტო ინფორმაცია:
მაია ჩიტაშვილი,
593 260609;
maiko@publicity.ge 

flydubai მომხმარებლებს უკვე სრულ სამოგზაურო სერვისს სთავაზობს

ავიაკომპანია flydubai დაარსებიდან მეოთხე წელს ინოვაციური სერვისის დანერგვით იწყებს. კომპანია მგზავრებს მსოფლიოს სხვადასხვა ქვეყანაში მოგზაურობისას დაბინავების მრავალფეროვან არჩევანს სთავაზობს. ამიერიდან მგზავრებს საშუალება ექნებათ ისარგებლონ, როგორც flydubai-ს ოპერირების ქსელში ჩართული ქვეყნების და ქალაქების ფარგლებში არსებული სასტუმროებით, ასევე სხვა ქვეყნებშიც შეეძლებათ აირჩიონ სასურველი სასტუმრო, რაც Tourico Holiday -სთან ექსკლუზიური თანამშრომლობის საფუძველზე ხორციელდება. ახალი სერვისი მომხარებელს საშუალებას აძლევს სასტუმროს გარდა აირჩიოს ნებისმიერი კურორტი თუ სანახაობა და მარტივად დაგეგმოს დასვენება flydubai.com-ის მეშვეობით.

flydubai-ს აღმასრულებელმა დირექტორმა გაიტ ალ გაიტმა ამ სიახლესთან დაკავშირებით განაცხადა: „ეს სიახლე ძალიან მნიშვნელოვანია ჩვენი ავიაკომპანიისთვის. ჩვენი მომხმარებლები წლების მანძილზე გვეკითხებოდნენ, შეეძლოთ თუ არა მათ ჩვენი დახმარებით დაეჯავშნათ სასტუმრო ან მოგზაურობასთან დაკავშირებული სხვა დამატებითი სერვისებით ესარგებლათ. Tourico Holiday -სთან პარტნიორობის წყალობით, ჩვენ უკვე შეგვიძლია მათ შევთავაზოთ სასტუმროები და სხვა გასართობის სერვისები. ჩვენ მუდმივად ვცდილობთ შევთავაზოთ ჩვენს მომხმარებლებს ყველა საჭირო და საინტერესო სერვისი. Flydubai.com -ის მეშვეობით ჩვენს მოხმარებლებს მარტივად შეუძლიათ ბილეთებთან და სხვა უამრავ სერვისთან ერთად სამოგზაურო ტურები და ტურისტული პაკეტები შეიძინონ".

სასტუმროების დაჯავშინის გარდა, flydubai.com-ის მეშვეობით მომხმარებლებს უკვე შეუძლიათ დაჯავშნონ კრუიზები, ტურები და მსოფლიოს ნებისმიერ კუთხეში, შეიძინონ სხვადასხვა ატრაქციონებისა თუ სანახაობების ბილეთები.კომპანიის პარტნიორი სასტუმროებია: Accor Hotels®, Starwood Hotels and Resorts®, InterContinental® Hotel Group, Hilton Worldwide® and Best Western®.

Tourico holiday-ს პარტნიორი კომპანიის Global Business Development Travel Holdings, Inc - ის პრეზიდენტმა ჯეისონ სოსმა განაცხადა: „მოხარულნი ვართ, flydubai -ს მგზავრებს შევთავაზოთ ჩვენი სერვისების სრული პაკეტი. ჩვენს კომპანიას გლობალური მოგზაურობის სფეროში მსოფლიოში ერთ-ერთი წამყვანი ადგილი უკავია. ჩვენ ყველა კატეგორიის მომხმარებლისთვის სპეციალური შეთავაზება გაგვაჩნია. ჩვენი ტურისტული პაკეტები მთელი მსოფლიოს მასშტაბით მოიცავს 4500 მიმართულებას, 36 000-ზე მეტ სასტუმროს, სხვადასხვა კრუიზს და დასასვენებელ ტურებს ნებისმიერი კატეგორიის დამსვენებელთათვის. Flydubai-სთან თანამშრომლობის ფარგლებში, ჩვენ ურთიერთსასარგებლო პარტნიორობის მოლოდინი გაგვაჩნია".

ბოლო 3 წლის მანძილზე ავიაკომპანიამ ბევრი სხვადასხვა ინოვაციური ინიციატივა განახორციელა. სასტუმროების შეთავაზებამდე flydubai -მ ავტოგაქირავების და მოგზაურობის დაზღვევის სერვისები დანერგა. მანამდე ავიაკომპანიამ აზერბაიჯანის, რუსეთის ფედერაციის და უკრაინის მიმართულებების მგზავრებს გამარტივებული სავიზო რეჟიმით სარგებლობა შესთავაზა.

ბილეთების შეძენა flydubai.com ინტერნეტგვერდის, ქოლ ცენტრის (+971 4 231 1000) ან პარტნიორი კომპანიის „დუბაი ჯის" მეშვეობით შეგიძლიათ. flydubai.com -ის მეშვეობით ავტომობილის დაქირავებას და დაზღვევის შეძენასაც შეძლებთ.