პრესრელიზი   

10 იანვარი, 2012
დაუყოვნებელი გავრცელებისათვის 

საკონტაქტო ინფორმაცია:
მაია ჩიტაშვილი,
593 260609; 
maiko@publicity.ge

flydubai ყირგიზეთის მიმართულებით იწყებს ფრენებს

დაბალფასიანი ავიაკომპანია flydubai ყირგიზეთის ბაზარზე შედის

  flydubai-ს 50-ე მიმართულება ბიშკეკი გახდება, სადაც ავიაკომპანია კვირაში ორ რეისს  შეასრულებს

კომპანია flydubai-ს საერთაშორისო ქსელს 50-ე მიმართულება - ყირგიზეთის რესპუბლიკა შეემატა. ავიაკომპანია flydubai 2,5 წელია რაც დაარსდა და იგი  უკვე 28 ქვეყანაში დაფრინავს.

ემირატებსა და ყირგიზეთის რესპუბლიკას შორის პირველი პირდაპირი რეისი 2012 წლის 7 თებერვალს შესრულდება. ფრენები დუბაისა და ბიშკეკს შორის კვირაში ორჯერ განხორციელდება: სამშაბათს და პარასკევს დუბაიდან; ოთხშაბათს და შაბათს ბიშკეკიდან. ცალმხრივი ფრენის საფასური 990 დირჰამი იქნება.

flydubai -ს აღმასრულებელი დირექტორი გაიტ ალ გაიტი აცხადებს: ჩვენთვის საამაყო ფაქტია ის, რომ ყოფილი საბჭოთა კავშირის რესპუბლიკებდან  ჩვენ უკვე 12 მიმართულებით დავფრინავთ.   ჩვენთვის  განვითარებისა და წინსვლის თვალსაზრისით მნიშვნელოვანი საფეხურია 50-ე მიმართულება. ჩვენ უკვე ცენტრალური აზიის მიმართულებით ბევრ ქვეყანაში დავფრინავთ. იმედი მაქვს, რომ ბიშკეკის მიმართულებითაც ასეთივე წარმატებით განვახორციელებთ ფრენებს. ჩვენ ვიმედოვნებთ, რომ ჩვენი რეისი ყირგიზეთის მოსახლეობას შესთავაზებს ახალ, ალტერნატიულ სამოგზაურო შესაძლებლობებს. ეს რეისი flydubai-ს ქსელის მეშვეობით ყირგიზეთს ცენტრალურ აზიასთან, ინდოეთის და აფრიკის კონტინენტებთან დააკავშირებს.

ყირგიზეთის რესპუბლიკის დედაქალაქი და უდიდესი ქალაქი ბიშკეკი, ცენტრალური აზიის მნიშვნელოვანი პუნქტია სადაც ფრენებზე მოთხოვნა ყოველდღიურად იზრდება.

ყირგიზეთის რესპუბლიკის ეკონომიკამ კარი გაუღო უცხოურ ინვესტიციებს თავის ქვეყანაში. აქ მეტალურგია საკვანძო ინდუსტრიაა. ასევე ვითარდება ტურისტული პოტენციალიც. დღითიდღე ძალზედ  პოპულარული ხდება ისიკ-კულის ტბაზე დასვენება. პოპულარულია კემპინგი, ტურისტული ბილიკები, სათხილამურო  ბაზები როგორც რეგიონალური, ასევე საერთაშორისო ტურისტებისა და ტუროპერატორებისთვისაც.

გაერთიანებულ არაბეთის საემიროებში 3000 ყირგიზი ემიგრანტი ცხოვრობს. ბიშკეკის მიმართულებით პირდაპირი ფრენების დაწყება უზრუნველყოფს მათ ხშირ მოგზაურობას ბიშკეკის მიმართულებით.