18 მარტი,2014
დაუყოვნებელი გავრცელებისათვის

საკონტაქტო ინფორმაცია:
საზოგადოებასთან ურთიერთობის დეპარტამენტი
მარშალ გელოვანის გამზირი #6, თბილისი
nfomoa@moa.gov.ge www.moa.gov.ge
ტელ: 237 80 09
მობ: 599 50 26 19

საქართველოს სოფლის მეურნეობის მინისტრის მოადგილე დავით გალეგაშვილი, კახეთის რეგიონის გუბერნატორი ირაკლი შიოლაშვილი და სოფლის მეურნეობის პროექტების მართვის სააგენტოს „შეღავათიანი აგროკრედიტის პროექტის" მენეჯერი ირაკლი მოისწრაფიშვილი, ყვარლის მუნიციპალიტეტში შპს „ყვარლის ბაგას" მეცხოველეობის ფერმა დაათვალიერეს. ფერმის დაფინანსება სოფლის მეურნეობის სამინისტროს ,,შეღავათიანი აგროკრედიტის პროექტის" ფარგლებში განხორციელდა.

პროექტის დახმარებით, შპს „ყვარლის ბაგამ" ფერმის ასაშენებლად მე-3 კომპონენტში 600 ათასი დოლარის ოდენობის სესხი აიღო. შეიძინეს 132 სული ჰოლშტეინის ჯიშს დეკეული. ფერმის წარმადობა შეადგენს დღეში 3 ტონა რძეს, რომლის რეალიზება 100 %-ით ადგილობრივ ბაზარზე ხორციელდება. დღეისათვის ფერმის ნამატს 104 ხბო შეადგენს. შპს „ყვარლის ბაგაში" 15 ადგილობრივია დასაქმებულია.

შპს ,,ყვარლის ბაგა" საქონლის საკვების ნედლეულს საკუთარ ფართობებზე აწარმოებს. ხარისხიანი მოსავლის მიღების მიზნით, კომპანიამ სასუქის შესაძენად შეღავათიანი აგროკრედიტის პროექტის" მე-2 კომპონენტის ფარგლებში 100 ათასი ლარის ოდენეობის სესხიც აიღო.

კომპანიამ ინფრასტრუქტურის მოწყობა უკვე დაასრულა. ფერმის ტერიტორიაზე განთავსებულია ადმინისტრაციული შენობა პერსონალისთვის, ძირითადი ბაგა ძროხებისთვის, რომელიც მოიცავს საწველ და სამშობიარო ბლოკებს, ასევე სახბორე ნაგებობა, 2 ანგარი საკვების შესანახად და სასოფლო-სამეურნეო ტექნიკისთვის, სასილოსე ნაგებობები.

,,შეღვათიანი აგროკრედიტის პროექტის" განხორციელება 2013 წლის 27 მარტიდან დაიწყო და წარმატებით მიმდინარეობს. 2014 წლის 13 მარტის მონაცემებით გაცემულია 287,802,979 ლარის კრედიტი. 1-ლი კომპონენტის ფარგლებში 2,685 ბენეფიციარზე გაცემულია 1,106,478 ლარის ოდენობის სასაქონლო განვადება. მე-2 კომპონენტში 8,072 ბეფიციარი დაფინანსდა 150,409,669 ლარის კრედიტი, მე-3 კომპონენტში 430 ბენეფიციარზე გაიცა 49,838,723 აშშ დოლარის ოდენობის კრედიტი. მე-5 კომპონენტის ფარგლებში 48 ყურძნის გადამამუშავებელი საწარმო დაფინანსდა, აქედან 6 საწარმოზე 4,831,363.16 სესხი გაიცა დოლარში, დანარჩენი 42 საწარმო კი 41,164,644 ლარით დაფინანსდა. მე-6 კომპონენტის ფარგლებში ჯამში 450,000 ლარის მოცულობის კრედიტით ორმა მანდარინის შემსყიდველმა საწარმომ ისარგებლა.
პროექტის ფარგლებში მე-3 კომპონენტის ფარგლებში დაფინანსებული 430 საწარმოდან, 63 ახალი საწარმოა, ხოლო დანარჩენის გადაიარაღება, გაფართოვება და წარმოების გაზრდის ხელშეწყობა განხორციელდა.