"ამერიკის სავაჭრო პალატა უკვე მრავალი წელია მუშაობს ბიზნეს წრეებთან, ინვესტორებთან, აშშ საელჩოსთან და საქართველოს მთავრობასთან ძლიერი და ეფექტიანი ბიზნეს-გარემოს შექმნის მიზნით" - განაცხადა ამერიკის სავაჭრო პალატის ახალმა პრეზიდენტმა ქ-ნ. სარა უილიამსონმა. „მომდევნო ორი წელიწადი ძალიან მნიშვნელოვანი იქნება საქართველოს, როგორც ბიზნესისა და ინვესტირებისათვის ხელსაყრელი ქვეყნის იმიჯის გასამყარებლად. მე, როგორც ამერიკის სავაჭრო პალატის პრეზიდენტი, კიდევ უფრო გავაფართოებ ჩვენი 7 მომქმედი კომიტეტის მუშაობას, რომ მათ მეტი ზემოქმედება მოახდინონ სახელმწოფო პოლიტიკაზე, ჩვენი წევრების ინტერესების სასიკეთოდ.  გარდა ამისა, მე დიდი სიამოვნებით ველი ამერიკის სავაჭრო პალატის თანამშრომლობის შემდგომ განვითარებას საქართველოს მთავრობასთან, კონსტრუქციული დიალოგის გაგრძელებასა და მათთან ერთად აქტიურ მუშაობას „ვარდების რევოლუციის" შემდგომი რეფორმების გაგრძელების პროცესში".