პრესრელიზი

21 ივლისი,2010
დაუყოვნებელი გავრცელებისათვის

საკონტაქტო პირი:
ეკა მიმინოშვილი
+995 32 36 40 94
ekamiminoshvili@manuscript.ac.ge
www.manuscript.ge

ამოუცნობი ნაცნობები

[Publicity.ge] თბილისი,21 ივლისი,2010 - ხელნაწერთა ეროვნულ ცენტრში ძველი ფოტოების იდენტიფიკაცია მიმდინარეობს.

ზოგჯერ ფოტო უნიკალურ მასალას აღბეჭდავს და მნახველის თვალწინ აცოცხლებს უკვე დავიწყებულ ისტორიას, ამბებს, ადამიანებს, ცალკეულ დეტალებს... ამიტომ ის ისტორიული წყაროს მნიშვნელობას ატარებს.

ხელნაწერთა ეროვნული ცენტრის ინიციატივით იწყება ფოტოებზე აღბეჭდილი უცნობი სახეებისა და ადგილების იდენტიფიკაციის პროცესი.

სოციალურ ქსელ "ფეისბუკში" შეიქმნა ჯგუფი "ამოუცნობი ნაცნობები". ჯგუფში განთავსებული ფოტოების შესახებ საზოგადოების წარმომადგენლებს შეუძლიათ გამოთქვან საკუთარი მოსაზრებები.

მოგიწოდებთ, აქტიურად ჩაერთოთ ამოუცნობი ნაცნობების ამოცნობაში!