პრესრელიზი

26 თებერვალი, 2013
დაუყოვნებელი გავრცელებისათვის

საკონტაქტო ინფორმაცია:
ნათია ომაძე
+ 995 370 27 80 10
+995 77 95 77 57
shidakartli1@gmail.com

ანდრო ბარნოვი SDC-ისა და DRC-ის წარმომადგენლებთან ერთად სოფელ ერგნეთს ესტუმრა

შიდა ქართლის გუბერნატორმა ანდრო ბარნოვმა  შვეიცარიის განვითარებისა და თანამშრომლობის სააგენტოსა (SDC) და ლტოლვილთა დანიის საბჭოს (DRC) წარმომადგნლებთან ერთად სოფელ ერგნეთში პროექტის „ერგნეთში დაბრუნებული მოსახლეობისათვის საცხოვრებლებისა და შემოსავლის წყაროს აღდგენა"  მიმდინარეობა დაათვალიერა. შვეიცარიის განვითარებისა და თანამშრომლობის სააგენტოს მიერ დაფინანსებულ ხსენებულ პროექტს ახორციელებს  პროექტი ლტოლვილთა დანიის საბჭო.   

მისი მიზანია ხელი შეეწყოს სოფელ ერგნეთში კონფლიქტით დაზარალებული მოსახლეობისათვის საცხოვრებელი პირობების გაუმჯობესებაა და შემოსავლის გაჩენას, რათა მოსახლეობის დაბრუნება და რეინტეგრაცია მდგრად და გრძელვადიან ხასიათს ატარებდეს.

პროექტის ფარგლებში გათვალისწინებულია: 2008 წლის აგვისტოს კონფლიქტის დროს დაზიანებული 90-მდე სახლის გარემონტება ერგნეთში მუდმივად მაცხოვრებელი   ოჯახებისათვის, კონკურსის საფუძველზე შერჩეული პირებისათვის 50 მცირე ბიზნეს-გრანტის გაცემა და სოფელ ერგნეთის ეკონომიკური შეფასების კვლევის განხორციელება. პროექტი 2011 წლის ნოემბერში დაიწყო და მიმდინარე წლის აპრილში დასრულდება. რის შემდეგაც იგეგმება მისი გაგრძელება. პროექტის შემდეგ ეტაპზე მოხდება ომით დაზიანებული ყველა დარჩენილი სახლის გარემონტება სოფელ ერგნეთში.

გუბერნატორმა და პარტნიორი საერთაშორისო ორგანიზაციების წარმომადგენლებმა  დაზიანებულ სახლებზე სარემონტო სამუშაოების მიმდინარეობასთან ერთად,  რამდენიმე მცირე ბიზნესიც დაათვალიერეს, რომლებიც პროექტის ფარგლებში დაფინანსდა.