პრესრელიზი

31 ივლისი, 2012
დაუყოვნებელი გავრცელებისათვის

საკონტაქტო პირი:
თეონა ბაღდავაძე
597 97 03 53

ახალი ქართული ავიაკომპანია FLY GEORGIA ბათუმის მიმართულებით  ბილეთების გაყიდვას იწყებს

ახალი ქართული ავიაკომპანია FLY GEORGIA - რომელიც  პირველ რეისს, 3 აგვისტოს ბათუმის მიმართულებით შეასრულებს  , ბილეთების გაყიდვას იწყებს .

3 აგვისტოს ( პარასკევის ) რეისი , რომელიც თბილისის აეროპორტიდან ბათუმის მიართულებით შესრულდება, პირველი რეისია საქართველოში  2009 წლის მოდელის  AIRBUS-ით.

პირველი რეისისათვის ბილეთების შეძენა და დაჯავშნა მგზავრებს  დღეიდან კომპანიის გაყიდვების ოფისში, თბილისის საერთაშორისო აეროპორტში და კომპანიის 24 საათიან ქოლ-ცენტრის მეშვეობით, რომლის ნომერიცაა:  2 71 00 00 შეეძლებათ.

ფრენის ღირებულება ორივე მიმართულებით  190 ლარია, ყველა გადასახდის ჩათვლით.

კომპანია ბათუმის მიმართულებით ფრენების შესრულებას კვირაში  რამდენჯერმე აპირებს.

პირველი რეისი ბათუმის მიმართულებით პარასკევს, 20.00-ზე შესრულდება, ხოლო ბათუმიდან იგივე  ბორდი  კვირას 21.45 წუთზე გამოფრინდება.

ავიაკომპანიის სტრატეგიაა რეგიონალური სატრანსპორტო პოლიტიკის დონეზე საქართველოს პოზიციების გაძლიერება და მგზავრებისთვის უსაფრთხოებისა და კომფორტული მომსახურების შეთავაზება.

ბოლო წლებში AIRBUS- მა ასეულობით მილიონი ა.შ.შ დოლარის ინვესტირება მოახდინა თავისი თვითმფრინავების მოდერნიზაციაში, უსაფთხოების გაუმჯობესებასა და მგზავრების კომფორტული  მომსახურების საკითხებში.

ახალი AIRBUS კომფორტის  უმაღლეს დონეს სთავაზობს მგზავრებს, განახლებული და კომფორტული დიზაინი , დეტალებზე ორიენტირებული სერვისი და მუდმივი სწრაფვა სრულყოფილებისკენ განსაკუთრებულად სასიამოვნოს გახდის ნებისმიერ მგზავრის ურთიერთობას ავიაკომპანიასთან.

საერთაშორისო სტანდარტების შესაბამისად დატრეინინგებული  პერსონალი და მსოფლიო დონის გამოცდილი  AIRBUS -ის პილოტები უსაფრთხოების და კომფორტის განსაკუთებულ სინთეზს შესთავაზებენ FLY GEORGIA-ს მგზავრებს.

ბორტზე წარმოდგენლი იქნება  ცნობილი ქართველი მზარეულის, თეკუნა გაჩეჩილაძის შედგენილ უგემრიელეს ქართულ-ევროპულ მენიუს ბიზნეს კლასში, ხოლო ეკონომ კლასში - BTA catering-ის მიერ მომზადებულ კერძებს. ასევე გთავაზობთ სასმელების მრავალფეროვან არჩევანს : უმაღლესი ხარისხის სამი სახის ღვინოსა და სხვადასხვა ტიპის ალკოჰოლური სასმელების ასორტიმენტს.

დამატებითი ინფორმაციისათვის დაუკავშირდით საზოგადოებასთან ურთიერთობის კონსულტანს, თეონა ბაღდავაძეს 597 97 03 53