4 ოქტომბერი, 2007
დაუყოვნებლივი  გავრცელებისათვის 

საკონტაქრო პირი: ვახტანგ გუჯაბიძე
კომპანია "მაგი სტილის" მარკეტინგის სამსახურის უფროსი
ტელ: 39 75 01
ელ.ფოსტა: vgujabidze@magistyle.ge
ვებ.გვერდი: www.magistyle.ge




                              ახალი შესაძლებლობები ქართული სამშენებლო კომპანიებისათვის

[PUBLICITY.GE] თბილისი, 4 ოქტომბერი, 2007  -  საქართველოში მოქმედი სამშენებლო კომპანიები მნიშვნელოვნად გააუმჯობესებენ თავიანთ საქმიანობასა და მომსახურებას. სწრაფი და, ამავდროულად, ხარისხიანი მშენებლობა ხელს შეუწყობს ამ სფეროს ზრდას და პირდაპირ გავლენას იქონიებს მომხმარებლის კმაყოფილებაზე. ამის შესაძლებლობას იძლევა ბეტონის მწარმოებელი ახალი ქარხანა, რომელიც კომპანია "მაგი სტილმა" შეიძინა.

ქარხანა, რომლის წარმადობა შეადგენს 1000 კუბურ მეტრს დღეში, აწარმოებს უმაღლესი ხარისხის 300-350  მარკის ბეტონს. მთავარი სიახლე კი მდგომარეობს იმაში, რომ ამიერიდან კომპანიებს შეეძლებათ ისარგებლონ კომპლექსური პაკეტით, რომელიც გულისხმობს ბეტონის წარმოებას, ტრანსპორტირებას და პომპით მომსახურებას. აქამდე, სამშენებლო კომპანიებს უწევდათ დროისა და რესურსების ხარჯვა ამ მომსახურებების ცალ-ცალკე შესაძენად, რაც, ბუნებრვია, აისახებოდა ამა თუ იმ პროექტის განხორციელების ვადებზეც.

კომპანია "მაგი სტილის" ხელმძღვანელობის განცხადებით, "სამშენებლო ბიზნესი სწრაფად ვითარდება საქართველოში. სწორედ ამ ტენდენციამ გვიკარნახა, რომ საჭირო იყო ახალი ტექნოლოგიების დანერგვა და ისეთი საწარმოების ამოქმედება, რომლებიც,  ხარისხის გარანტიასთან ერთად, მოგვცემდნენ დროის დაზოგვის შესაძლებლობას. ბეტონის ახალი ქარხანა არის ჩვენი ენერგიული პასუხი დარგის მოთხოვნებზე და, ცხადია, მომხმარებლების ინტერესებზე".

###

ორგანიზაციის შესახებ:

"მაგი სტილი" არის მრავალწლიანი გამოცდილების მქონე ჰოლდინგური ტიპის კომპანია, რომლის ერთ-ერთ ძირითად მიმართულებას წარმოადგენს დეველოპმენტი. მისი სამოქმედო არეალი ვრცელდება როგორც დედაქალაქზე, ასვე რეგიონებზეც.  "მაგი სტილის" მიერ განხორციელებული პროექტებიდან აღსანიშნავია საცხოვრებელი კომპლექსი ჭავჭავაძის გამზირზე (ვაკის პარკთან). მიმდინარე პროექტებს შორის კი საცხოვრებელი კომპლექსი ავლაბარში, Dream Town  (საცხოვრებელი კომპლექსი  ქავთარაძის ქუჩაზე), ასევე მრავალბინიანი საცხოვრებელი სახლი გუდაურში. გარდა ამისა მაგი სტილი ახორციელებს "სამხედრო ქალაქის" არაკომერციულ პროექტს  აბაშვილის ქუჩაზე (თბილისი).