ამა წლის 15 - 16 თებერვლს, გამოფენების ცენტრ "ექსპო ჯორჯიას" მე-11 პავილიონში ტარდება განათლების საერთაშორისო გამოფენა.

საგამოფენო სტენდებზე წარმოდგენილი ორგანიზაციების რაოდენობა:  85

გამოფენაში მონაწილეობას იღებენ საგანმანათლებლო ორგანიზაციები: უნივერსიტეტები, კოლეჯები და უმაღლესი სკოლები საქართველოდან და შემდეგი ქვეყნებიდან:

• ბრიტანეთიმალაიზია
• თურქეთიპოლონეთი
• იტალიარუსეთი
• ლატვიაუნგრეთი
•  ლიტვა 
• ჩეხეთი

გამოფენის დღეებში საგამოფენო სივრცეში წარმოდგენილი იქნება როგორც კერძო ასევე სახელმწიფო სასწავლო დაწესებულებები: უმაღლესი და პროფესიული სასწავლებლები. გამოფენაში მონაწილეობას მიიღებენ საერთაშორისო და დონორი ორგანიზაციებიც რომელთა ძირითად მიზანს წარმოადგენს საგანმანათლებლო სექტორის განვითარება და ხელშეწყობა.

ტარდება მონაწილე ორგანიზაციების პრეზენტაციები და "ღია კარის დღეები". დამთვალიერებელს მიეცემა  საშუალება უშუალოდ საგანმანათლებო დაწესებულების წარმომადგენლებისგან მიიღოს სასურველი ინფორმაცია და გაეცნოს მიმდინარე პროგრამებსა და პირობებს.

გამოფენაზე წარმოდგენილი იქნება საბაკალავრო და სამაგისტრო პროგრამები, საღვარგარეთ სწავლება, გაცვლითი პროგრამები, სტაჟირება, სპეციალიზირებული კურსები, სტუდენტური სერვისები.

გამოფენა საინტერესოა აბიტურიენტების, სტუდენტების, კვლიფიკაციის ამაღლების მსურველებისა და საზღვარგარეთ განათლების მიღების სურვილის მქონე ადამიანებისათვის.

გამოფენის ოფიციალური გახსნა:    15 თებერვალი, 2013 წ.   / 12:00 სთ.
გამოფენის სამუშაო საათები:        15-16 თებერვალი, 2013 წ.  / 12:00 - 19:00 სთ

###

პროექტის მენეჯერები:
თეონა თავაძე
tavadzei@expogeorgia.ge;