თბილისი. 5 ივნისი 2012 - გაეროს განვითარების პროგრამა (UNDP), გაეროს წარმომადგენლობა საქართველოში და საქართველოს გარემოს დაცვის სამინისტრო გარემოს დაცვის მსოფლიო დღეს აღნიშნავენ.

წლევანდელი დღის თემაა: მწვანე ეკონომიკა: შენ ჩართული ხარ?

გარემოს დაცვის მსოფლიო დღე წინ უსწრებს გაეროს მიერ ორგანიზებულ მდგრადი განვითარების მსოფლიო კონფერენციას, Rio+20, რომელიც 2012 წლის 20-22 ივნისს ბრაზილიაში გაიმართება.

„საქართველო აქტიურად იღებს მონაწილეობას გლობალურ დიალოგში იმის შესახებ, თუ როგორ უნდა შევამციროთ სიღარიბე, მივაღწიოთ სოციალურ თანასწორობას და დავიცვათ გარემო იმისთვის, რომ მივიღოთ ის მომავალი, რომელიც გვსურს. მწვანე განვითარება აუცილებელია, მაგრამ სოციალური და ეკონომიკური საკითხები არანაკლებ მნიშვნელოვანია", - თქვა გაეროს განვითარების პროგრამის (UNDP) ხელმძღვანელმა საქართველოში ჯეიმი მაკგოლდრიკმა.

მწვანე კვირეული თბილისსა და საქართველოს რეგიონებში 5-11 ივნისს გაგრძელდება. გაეროს განვითარების პროგრამისა (UNDP) და საქართველოს გარემოს დაცვის სამინისტროს წარმომადგენლები ყველა ღონისძიებას დაესწრებიან.

5 ივნისი, 17:00-18:00, მედიას ვიწვევთ დასასწრებად:რუსთაველის გამზირი, თბილისი

ფოტო გამოფენა, მწვანე სცენა, კონცერტი

11 ივნისი, თბილისი

სტუდენტური კონფერენცია გარემოსდაცვით საკითხებზე