30 აგვისტო, 2013
დაუყოვნებელი გავრცელებისათვის

საკონტაქტო ინფორმაცია:
ინგა ნიკაგოსიანი
თბილისი, 0114, გულუას ქ. N6
+995 32 2727224
+995 577 293979

გარემოს დაცვის სამინისტროს განცხადება

გარემოსდაცვითი ზედამხედველობის დეპარტამენტის დასავლეთ ცენტრალური სამსახურის სწრაფი რეაგირების განყოფილების მიერ წყალტუბოს მუნიციპალიტეტის სოფელ ზარათში აღმოჩენილ იქნა ტყიბულის მუნიციპალიტეტის სოფელ ორპირის სატყეო უბანში უკანონოდ მოჭრილი 12 ძირი წაბლისა და 5 ძირი რცხილის ჯიშის ხე-ტყე. აღნიშნულ ფაქტთან დაკავშირებით მასალები გადაეგზავნა საგამოძიებო ორგანოებს.

შეგახსენებთ, რომ გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულება გარემოსდაცვითი ზედამხედველობის დეპარტამენტი ამოქმედდა მიმდინარე წლის მაისიდან. მის მიერ გამოვლენილ იქნა გარემოსდაცვითი კანონმდებლობის დარღვევის 874 ფაქტი, რომელთაგან 25 შეიცავს სისხლის სამართლის დანაშაულის ნიშნებს.