შემეცნებითი ტიპის ანიმაციის მთავარი მიზანია ბავშვებს 3 წლის ასაკიდან, მათთვის მარტივად აღსაქმელი ელემენტების გამოყენებით ასწავლოს და დაამახსოვროს, თუ როგორ მოიქცნენ სხვადასხვა ბუნებრივი კატასტროფების დროს, რათა მინიმუმამდე იქნას დაყვანილი რისკის ფაქტორი სხვადასხვა სიტუაციაში. 

,,ჩვენი ორგანიზაციისთვის კატასტროფების რისკების შემცირების მიმართულება, ერთ-ერთი საკვანძო და პრიორიტეტულია. ამ ეტაპზე ბავშვებსა და მათ პედაგოგებს ახალ ანიმაციას - „პატარა მაშველების მოგზაურობა"-ს ვთავაზობთ, რომელიც კომპლექსურად გადმოსცემს ძირითად მიმართულებებს. ანიმაციით ვცდილობთ მარტივად ავუხსნათ სკოლამდელი ასაკის ბავშვებს ის აუცილებელი წესები, რომელიც მნიშვნელოვანია გაითვალისწინონ ბუნებრივი მოვლენის დროს. ორგანიზაცია უახლოეს პერიოდში კატასტროფების რისკების თემაზე კიდევ უფრო მასშტაბურ პროექტს დაიწყებს, სადაც პატარების გარდა ვეცდებით უკვე მოზრდილებსაც შევასწავლოთ ის მარტივი ელემენტები და ქცევის წესები, რაც მნიშვნელოვანია რისკების შესამცირებლად". - განაცხადა პროექტის კოორდინატორმა თეონა ჯულუხაძემ.

ანიმაციური ფილმი „პატარა მაშველების მოგზაურობა" ევროკომისიის ჰუმანიტარული მისიისა და სამოქალაქო დაცვის დეპარტამენტის (ECHO) ფინანსური მხარდაჭერით პროექტის ,,ჩვენ მზად ვართ! კატასტროფის რისკის შემცირება საქართველოს საბავშვო ბაღებში" ფარგლებში მომზადდა. პროექტი განხორციელდა გერმანული საერთაშორისო არასამთავრობო ორგანიზაცია არბაითერ-სამარიტერ-ბუნდის მიერ. ახალი ანიმაციური ფილმი ინოვაციური მიდგომაა კომპლექსურად მიაწოდოს ინფორმაცია კატასტროფების რისკების შემცირების თაობაზე, როგორც პედაგოგებს ისე ბავშვებს, ხოლო პედაგოგებმა გამოიყენონ მასალა სწავლების დროს. ორგანიზაციას უკვე მომზადებული აქვს ორი მოკლე ფორმატის ანიმაცია, რომელიც ასევე საგანმანათლებლო ხასიათისაა, ხოლო უახლოეს პერიოდში მობილური აპლიკაციაც გახდება ხელმისაწვდომი დაინტერესებული აუდიტორიისთვის. 

ანიმაციის ლინკი:
 

https://youtu.be/OdTBaMUmhw0

დამატებითი ინფორმაციისთვის ეწვიეთ ორგანიზაციის ოფიციალურ ვებ-გვერდს www.asb.ge. +995 32 2 29 00 06 ; info@asb.ge