პრესრელიზი

23 მაისი, 2012
დაუყოვნებელი გავრცელებისათვის

საკონტაქტო ინფორმაცია:
ავთო სულაძე
მობ: 5 55 05 66 55
ელ.ფოსტა: info@lit.ge

თბილისის საერთაშორისო წიგნის ფესტივალზე წელს პირველად იქნება წარმოდგენილი წიგნები ელექტრონულ ფორმატში

[PUBLICITY.GE] თბილისი, 23 მაისი, 2012 - ელექტრონული წიგნების მაღაზია Lit.ge, რომელიც შარშან დაფუძნდა და ფეხს უწყობს მსოფლიოს წიგნის ბაზარზე არსებულ მუდმივად მზარდ ტენდენციას - ტრადიციული ნაბეჭდი წიგნის ელექტრონული ანალოგით ჩანაცვლებას, მკითხველს სთავაზობს ასობით ქართულ ელექტრონულ წიგნს, როგორც თანამედროვე გამოცემებს, ასევე, კლასიკურ ლიტერატურას.

Lit.ge-ს წიგნების წაკითხვა გარდა კომპიუტერისა, შესაძლებელია ანდროიდის სისტემაზე მომუშავე მოწყობილობებზე, თუმცა ელექტრონული წიგნის წასაკითხად ყველაზე კომფორტული, რა თქმა უნდა, იოტა რიდერია, რომელსაც აქვს ქართული ენის სრული მხარდაჭერა - ქართული მენიუ, ქართული ვირტუალური კლავიატურა, ქართული შრიფტების და ლექსიკონების მხარდაჭერა, ტექსტში ქართულად ძებნის ფუნქცია და სხვ.

lit.ge-ს ქართული წიგნის მკითხველებისათვის ერთი მთავარი გზავნილი აქვს: „იყავი თანამედროვე მკითხველი, იკითხე კომფორტულად!"