14 სექტემბერი, 2015
დაუყოვნებლივ გავრცელებისათვის

საკონტაქტო პირი:
მაიკო ჩიტაშვილი
593260609
maiko@publicity.ge

                                მარიამ ბიბილურის ტურნე საქართველოში

14 სექტემბრიდან მარიამი და მისი გიტარისტი ჯასტინ მატეუსი გეგმავენ ტურნეს ბათუმსა და თბილისში, რომელიც ბათუმის საერთაშორისო ფილმების ფესტივალის (BIAFF) ფარგლებში გამართული კონცერტით დაიწყება და თბილისში, კონცერტით დასრულდება. კვირეულის განმავლობაში მარიამს დაგეგმილი აქვს სხვადასხვა კონცერტი და მასტერ კლასი. ახალგაზრდა მომღერლის ამჟამინდელი ვიზიტის მიზანია ქართველ მსმენელს უკეთეგააცნოს საკუთარი შემოქმედება და მისი ბოლო ალბომი „GATES", რომელიც მისივე თქმით ერთგვარი მაკავშირებელია ქართულ ფოლკლორსა და თანამედროვე მუსიკას შორის.

"მე ამერიკაში მიცნობენ, როგორც ქართველ მომღერალს. ჩემს სიმღერებს გასდევს ქართული ფოლკლორის ჟღერადობა და თითოეული ჩემს სიმღერაში ჩანს ქართული კულტურა, რომელიც ძალიან მოსწონს ამერიკელ მსმენელს. დიდი სურვილი მაქვს ქართველმა მსმენელმაც გაიცნოს ჩემი ამერიკული მუსიკის ჟღერადობა და ჩემი რეპერტუარი". - განაცხადა მარიამმა ტურნეს დაწყებამდე.