ქართული ენის მეცხრე ოლიმპიადა სკოლა-ლიცეუმ „სხივის" ორგანიზებით ტარდება. პროექტის მხარდამჭერია საქართველოს განათლების სამინისტროსა და საქართველოს ხელნაწერთა ეროვნული ცენტრი. ოლიმპიადის მიზანია არა მარტო წაახალისოს საუკეთესო მოსწავლეები და გამოავლონოს ნიჭიერი მონაწილეები, არამედ ხელი შეუწყოს ქართული ენისა და კულტურის პოპულარიზაციას ქართველ და არაქართველ მოზარდებში, არამედ აამაღლოს მოსწავლეებში ენისადმი ინტერესი, გამოუმუშაოს წერითი და ზეპირი მეტყველების კულტურა, განუვითაროს საკუთარი აზრის ლოგიკური თანამიმდევრობით გამოთქმისა და სხვადასხვა დანიშნულების წერილობითი ტექსტის შექმნის უნარი, ჩამოუყალიბოს დამოუკიდებელი, შემოქმედებითი და რეფლექსური აზროვნების უნარი, შეაყვაროს კითხვა, გამოუმუშაოს ლიტერატურის, როგორც სიტყვის ხელოვნებისა და კულტურის ფაქტის, აღქმისა და გაცნობიერების უნარი, გააცნობიეროს ეროვნული და ზოგადსაკაცობრიო კულტურა, როგორც ცვლილებისა და განვითარების მუდმივმოქმედი პროცესი. ჩამოუყალიბოს ფუნქციურად და შინაარსობრივად მრავალფეროვანი ტექსტების შესწავლისა და გააზრების უნარი, შეძლოს მიზნობრივი ამოცანის შესატყვისი სტილით წერა და მეტყველება, შეძლოს სათანადოდ გამოიყენოს ორთოგრაფიული და პუნქტუაციური ნორმები, კალიგრაფიული კულტურის გამომუშავება, მართლწერის ნორმების თეორიული ცოდნის პრაქტიკულად გამოყენება, ქართული ენის მუსიკალურობის აღქმა. პროექტში აქტიურად ხდება ნიჭიერი მონაწილეების გამოვლენა და წახალისება.