პრესრელიზი

24 ოქტომბერი, 2012
დაუყოვნებელი გავრცელებისათვის

საკონტაქტო პირი
ეკა ლოლაშვილი
+995 32 2253649 / 2253648
Fax: +995 32 2916352
E-Mail: eka.lolashvili@rec-caucasus.org
http://www.rec-caucasus.org/ 

კლიმატის ცვლილებისადმი მიძღვნილი კვირეული დაიწყო

   ოქტომბერს თბილისში, ქუთაისში, ფოთში, აჭარაში და სენაკში კლიმატის ცვლილებისადმი მიძღვნილი კვირეული ოფიციალურად გაიხსნა, რომლის ფარგლებშიც სხვადასხვა ღონისძიებები განხორციელდა. თბილისში, მეტრო რუსთაველის მიმდებარე ტერიტორიიდან მოეწყო მსვლელობა თბილისის საკრებულოს შენობამდე, სადაც ორგანიზაციის თანათავმჯდომარეებმა და ევროკომისიის წარმომადგელენელმა საქართველოში კვირეული ოფიალურად გახსნა, რის შემდეგაც კვირეულში მონაწილეები გაემართნენ მსვლელობით მეტეხის ხიდისკენ, მეტეხის ხიდთან აქციის მონაწილეებს შეუერთდნენ მტკვარზე მოცურავე ნიჩბოსნები (10 ნავი -ათი ნიჩბოსნით);

კვირეული თბილისის პარალელურად გაიხსნა ქუთაისშიც, საქართველოს პარლამენტის ახალ შენობასთან, რომელშიც მონაწილეობა მიიღეს საქართველოში მოქმედი გარემოსდაცვითი და სამოქალაქო სექტორის წარმომადგენლებმა. კვირეულში მონაწილე არასამთავრობო ორგანიზაციების წარმომადგენლებმა მე-8 მოწვევის საქართველოს პარლამენტის წევრებსა და პარლამენტის გარემოს დაცვისა და ბუნებრივი რესურსების კომიტეტის თავმჯდომარეობის კანდიდატს გადასცეს გარემოსდაცვით საკითხებთან დაკავშირებით შემუშავებული მიმართვის ტექსტი. ქუთაისში აქცია ჩატარდა მწვანეთა მოძრობის სამცნიერო-ინტელექტუალური კლუბი "თაობათა დიალოგის" და კლიმატის ცვლილების წინააღმდეგ ბრძოლის საერთაშორისო მოძრაობა 350.org-ის ორგანიზებით.

21 ოქტომბერს, თბილისის და ქუთაისის პარალელურად კლიმატის ცვლილებისადმი მიძღვნილი ღონისძიებები დაიწყო სენაკშიც. კვირეული გაიხსნა მსვლელობით, რომელიც მოეწყო სენაკის მე-3 საჯარო სკოლის მიმდებარე ტერიტორიიდან რაიონის თეატრალურ მოედნამდე. მსვლელობაში აქციის ორაგანიზატორებთან ერთად მონაწილობდნენ ველოსიპედისტები, სკოლის მოსწავლეები, მასწავლებლები და ადგილობრივი მოსახლეობის წარმომადგენლები. კვირეულის გახსნის შემდეგ მონაწილეები გაემართნენ სამხატვრო გალერიისკენ, სადაც გაიხსნა ბავშვთა ნახატების ფამოფენა კლიმატის ცვლილების თემაზე, გამოფენაზე წარმოდგენილი იყო 100-მდე ნამუშევარი.

კვირეული გაისხნა აჭარაშიც, სადაც ადგილობრივი კოორდინატორის ორგანიზებით, პროექტის ,,დავასუფთაოთ საქართველო" ფარგლებში, ჩატარდა დასუფთავების აქცია. აქციის დროს დასუფთავდა ადლიის მიმდებარე ტერიტორიის 1 ჰა ფართობი, შეგროვდა 4 მ3 ნარჩენი , რომელიც განთავსდა ნაგავსაყრელზე.

კლიმატის ცვლილებისადმი მიძღვნილი კვირეული ტარდება საქართველოს მწვანეთა მოძრაობა/დედამიწის მეგობრები - საქართველოს ორგანიზებით, საქართველოში ევროკომისიის დელეგაციის წარმომადგენლობის მხარდაჭერით.