პრესრელიზი

21 აგვისტო, 2012
დაუყოვნებელი გავრცელებისათვის

საკონტაქტო ინფორმაცია:
ელ.ფოსტა:  shalvaramishvili@gmail.com
Facebook ოფიციალური გვერდი:
https://www.facebook.com/shalvaramishvili1  

კონკურსი საუკეთესო სცენარის, იდეის გამოსავლენად

შალვა რამიშვილის სტუდია ოფიციალურ facebook-ის გვერდზე იწყებს კონკურსს ანიმაციური სერიალ „ბანანის რესპუბლიკა"-ს ერთი სერიის საუკეთესო სცენარის, იდეის გამოსავლენად. საკონკურსო ნამუშევრების მიღება განხორციელდება სექტემბრის 10 რიცხვის ჩათვლით.

საკონკურსო ნამუშევრის შეფასების ზოგადი კრიტერიუმი მოიცავს:

ქვეყანაში არსებული პრობლემების აქტუალობას, გადმოცემის მანერას, ანალიტიკურ ღირებულებას, საზოგადოებრივ სარგებელს, ორიგინალურობას, სიახლეს და შემოქმედებით მიდგომას.

სცენარის თემატიკა არ არის შეზღუდული.

ოფიციალური კონკურსის ჟიურის შემადგენლობა: შალვა რამიშვილი და სერიალის მთავარი სცენარისტები.

კონკურსში მონაწილეობა შეუძლია ყველას,  ნებისმიერ ფიზიკურ თუ იურიდიულ პირს, მედიის (ჟურნალ-გაზეთების, ინტერნეტ მედიის) მოქმედ ჟურნალისტებს და ბლოგერებს, სტუდენტებს რომლებიც სწავლობენ ჟურნალისტიკაზე, სარეჟისოროზე და ა.შ..

მონაწილეობისთვის საჭიროა:

კონკურსანტმა ნაშრომი გამოგზავნოს მეილზე shalvaramishvili1@gmail.com თან დაურთოს საკუთარი მონაცემები  ან განათავსოს პირად ბლოგზე სადაც აუცილებლად უნდა დალინკოს შალვა რამიშვილის Facebook გვერდი https://www.facebook.com/shalvaramishvili1 ან  ბლოგი http://shalvaramishvili.wordpress.com/  წარწერით:

„ კონკურსი მულტსერიალ „ბანანის რესპუბლიკა"-ს საუკეთესო სცენარზე"

მეილზე გამოგზავნილ ნაშრომს ადმინისტრაცია განათავსებს ბლოგზე http://shalvaramishvili.wordpress.com/  ბლოგზე განთავსებული ნაშრომი ავტომატურად გამოჩნდება ოფიციალურ Fcebook გვერდის ტაბში.

ნაშრომი წარმოდგენილი უნდა იყოს სატირულ-იუმორისტულ ჟანრში და უნდა აკმაყოფილებდეს შემდეგ პირობებს:

1. კონკურსში წარმოდგენილი ნაშრომი არ უნდა იყოს სხვაგან გამოქვეყნებული და უნდა იყოს ავტორის შემოქმედება.

2. ჩანაწერი წარმოდგენილი უნდა იყოს ქართული შრიფტით. შრიფტის ზომა 16.

3. კონკურსანტს შეუძლია წარადგინოს რამოდენიმე ნაშრომი.

4. შესაძლებელია წარმოადგინოთ ორი ან სამი ავტორის ერთობლივი ნამუშევარი.

5. ნაშრომი უნდა შეადგენდეს არაუმეტეს 4 თაბახის ფურცლის გვერდს.

6. არ უნდა იყოს გამოყენებული სიძულვილის ენა.

კონკურსის შედეგად გამოვლინდება 1 გამარჯვებული: რომელსაც გამოავლენს ჟიური.

გამარჯვებულს გადაეცემა ფულადი პრიზი 300 ლარის ოდენობით, ხოლო მისი სცენარის, იდეის მიხედვით დამზადდება სერიალ  „ბანანის რესპუბლიკა"-ს მომდევნო სერია, რომელიც ნაჩვენები იქნება „მაესტრო" -ს ეთერში.

საკონკურსო ნამუშევრების მიღება დაიწყება   10 აგვისტოს

საკონკურსო ნამუშევრების მიღება შეწყდება  10 სექტემბერს

გამარჯვებული გამოვლინდება  10 ოქტომბრამდე.