6 თებერვალს, სასტუმრო „რედისონ ბლუ ივერიაში" ჩატარდება ავტოსათადარიგო ნაწილების მსოფლიო ბრენდ ZF-ის სამუშაო შეხვედრა (kick-off), რომლის დროსაც მოხდება სხვადასხვა ქვეყნებიდან მოწვეული სტუმრებისთვის კომპანიის სიახლეების გაცნობა, გასული წლის შეფასება, სტრატეგიული განვითარების საკითხების განხილვა და 2013 წლის სამომავლო გეგმების დასახვა. ღონისძიების ფარგლებში, მადლობის ნიშნად, დაჯილდოვდებიან ZF-ის წარმატებული კლიენტი და პარტნიორი კომპანიების ტოპ მენეჯმენტის წარმომადგენლები.

კონცერნი ZF-ის სათაო ოფისი გერმანიაშია, ტრადიციული kick-off შეხვედრა კი ყოველ წელს უკრაინაში, კიევში იმართებოდა.  კომპანია „თეგეტა მოტორსის" მხარდაჭერით, 2013 წლის შეხვედრა, პირველად ZF-ის ისტორიაში, საქართველოში ჩატარდება.

სპეციალურად ამ შეხვედრისთვის საქართველოს ვიზიტით ესტუმრნენ საავტომობილო სფეროში მოღვაწე მსოფლიოს წამყვანი კომპანიების ტოპ მენეჯმენტის წამომადგენლები გერმანიიდან, უკრაინიდან, ყაზახეთიდან, აზერბაიჯანიდან, ბელორუსიიდან, მოლდოვადან და სხვა.

„თეგეტა მოტორსი" ZF-ის ექსკლუზიური პარტნიორია საქართველოში.