მთავრობის მიერ დაწყებული ახალი პროექტის - „საქართველოს მთავრობა ღია მმართველობისათვის" - ფარგლებში გარემოს დაცვის მინისტრი ხათუნა გოგალაძე 29 მარტს, 11:00 საათზე, სასტუმროში „Radisson Blu Iveria Hotel" (დარბაზი #6) მედიასთან შეხვედრას გამართავს.

ხათუნა გოგალაძე გასული თვეების განმავლობაში სამინისტროს მიერ გაწეული საქმიანობის, აგრეთვე სამინისტროში განხორციელებული და დაგეგმილი ცვლილებების შესახებ ანგარიშს წარადგენს. შეხვედრის ფარგლებში მინისტრი აგრეთვე უპასუხებს ჟურნალისტების შეკითხვებს.

შეგახსენებთ, რომ პროექტის „ საქართველოს მთავრობა ღია მმართველობისთვის" მიზანია, სახელმწიფო მმართველობაში უზრუნველყოს საზოგადოების მეტი ჩართულობა, მთავრობის მუშაობა გახადოს უფრო ღია და გამჭვირვალე და ტრადიციად აქციოს ხელისუფლების წარმომადგენლების ანგარიშვალდებულება საკუთარი მოქალაქეებისადმი.

პროექტი ითვალისწინებს ინტერაქტიულ შეხვედრებს როგორც ქართულ, ისე უცხოური მედიის წარმომადგენლებთან.