დარეჯან ბერძენიშვილი მეწარმე ქალია ჩოხატაურიდან. ქუთაისში სკოლისა და უმაღლესის დამთავრების შემდეგ საკუთარი ძალები დედაქალაქში მოსინჯა და წლების განმავლობაში სხვადასხვა სფეროში მუშაობდა.

„ბაზრის მოთხოვნის შესაბამისად ვიცვლიდი კვალიფიკაციას და. ასე გავხდი ინჟინერ ქიმიკოსი, ჯერ დამკაბადონებელი, მერე ოფისის მენეჯერი, მარკეტინგის მენეჯერი, ბუღალტერი, ფინანსური მენეჯერი. მაგრამ არც ერთი სფერო არ იყო ჩემთვის საინტერესო, განსაკუთრებით უინტერესო იყო დიდ ქალაქში ცხოვრება,- ამბობს დარეჯანი.

2015 წელს დარეჯანმა პირველი დაფინანსება მოიპოვა და 2015 წელს, გურიის სოფელ ხიდისთავში, ოჯახის მამაპაპისეულ სახლში დაბრუნდა და საკუთარი პირველი საწარმო „სკიჯი“ დააფუძნა. მან ოჯახის წევრებთან ერთად სხვადასხვა ხილის სახეობებისგან ჩირის დამზადება დაიწყო. ჩირზე პირველი ექსპერიმენტები სწორედ მის საწარმოში დაიწყო.

„გავხდი მეჩირე, დავიწყე იმ ხილის შრობა, რაც ჩვენს სოფელში მოდის, დავიწყე ექსპერიმენტების კეთება, ვაშრობდი ისეთ ხილს, რომლიც არ იყო აღიარებული საჩირე მასალად და ნელ-ნელა კიდევ უფრო გავაფართოვე საკუთარი წარმოება“, ამბობს ქალი მეწარმე.

რამოდენიმე წელიწადში დარეჯანმა საკუთარ წარმოებას ახალი საქმიანობაც დაამატა, კიდევ უფრო გააფართოვა ბიზნესი და ჩოხატაურის რაიონში საოჯახო სასტუმრო „სკიჯის სახლი“ დააფუძნა.

„5 წლის თავზე, ორივე ბიზნესის ახალ საფუხურზე გადასვლაა დაგეგმილი, ახალი თანადაფინანსებით. ეს იქნება გაერთიენებული საშუალო ბიზნესი - ასწლოვან გურულ ოდაში განთავსებული საერთაშორისო სტანდარტის შესაბამისი ჩირის საწარმო, წარმოების გარშემო გაშენებული ხილის საჩვენებელი მეურნეობა და სასტუმრო ოდები. ავთენტური, გურული ელემენტებით და მხოლოდ სკიჯისთვის დამახასიათებელი გემოებით და მომსახურებით.

ბიზნესის გაფართოებასთან ერთად დარეჯანი აქტიურადაა ჩართული სხვადასხვა პროექტებში და ცდილობს უფრო მეტი ცოდნა შეიძინოს, რომ რაც შეიძლება წარმატებული გახადოს საკუთარი ბიზნესი. მიმდინარე წელს იგი ასევე ჩაერთო პროექტ USAID YES-Georgia-ის, ფარგლებში დაგეგმილ Buzz Georgia-ს ტრენინგებში და ერთ-ერთი გამორჩეული მონაწილეც გახდა.


საქართველოში, Buzz Georgia USAID-ის პროგრამის „ახალგაზრდების და ქალთა მეწარმეობის მხარდაჭერა საქართველოში (YES-Georgia)“ კომპონენტია, YES-Georgia ხორციელდება ფონდი კრისტალის მიერ, USAID-ის და ქალთა გლობალური განვითარების და კეთილდღეობის (W-GDP) ინიციატივის ფარგლებში, ამერიკელი ხალხისგან მიღებული ფინანსური დახმარებით. პროექტს დამატებით ფინანსურ მხარდაჭერას უწევს ფინანსური ჩართულობის ორგანიზაცია კრისტალი.