სსიპ „ბავშვთა და ახალგაზრდობის ეროვნული ცენტრის"  პროექტი  „შვილობილი ბიზნესი"

პროექტში გამარჯვებული საინიციატივო გუნდების დაჯილდოება.

1 მარტს , პარასკევს,11:30 საათზე, სსიპ „ბავშვთა და ახალგაზრდობის ეროვნული ცენტრის" ოფისში (ვაჟა ფშაველას 76ბ)  სსიპ „ბავშვთა და ახალგაზრდობის ეროვნული ცენტრი" ფულადი თანხით დააჯილდოვებს „შვილობილი ბიზნესის" გამარჯვებულ 2 საინიციატივო გუნდს.

პროექტი - „შვილობილი ბიზნესი",  ითვალისწინებდა შესაბამისი ბიზნეს იდეების მქონე ახალგაზრდებისათვის გრანტების გაცემას. კონკურსის შედეგად გამოვლინდა 2 გამარჯვებული  საინიციატივო ჯგუფი. მათ „ბავშვთა და ახალგაზრდობის ეროვნული ცენტრი" სტატუსით „შპს" აიყვანს ,,შვილობილ" კომპანიად და გადასცემს ფულად თანხას:

 შპს ,,მესხეთი" (სპორტული კლუბის მოწყობა ახალციხეში) -  8050 ლარი

შპს ,, GNG & Co." (სარეკლამო ტელევიზორების/,,ლაითბოქსების" დამონტაჟება ტაქსებზე) - 8000 ლარი