ტურიზმის ეროვნული ადმინისტრაციის „მობილური გიდი" უცხოელ ტურტისტებს დედალაქალის უკეთ გაცნობასა და საჭირო ინფორმაციის მიღებაში დაეხმარება. ამისათვის კონკურსის მეშვეობით, შერჩეულ კანდიდატებს დაურიგდებათ შესაბამისი ბეჭდვითი-სარეკლამო მასალა; ასევე ადმინისტრაცია უზრუნველყოფს სტუდენტების სპეციალურ ბრენდირებულ ჩაცმულობას;

შერჩეული სტუდენტები ტურისტებს მობილური გიდის მომსახურებას: თავისუფლების მოედანზე, რუსთაველის გამზირზე, შარდენის ქუჩაზე, აბანოთუბანსა და ნარიყალას ტერიტორიაზე გაუწევენ.

პრაქტიკული სამუშაოს დაწყებამდე სპეციალურ ტრეინინგს საქართველოს ტურისტული პოტენციალის შესახებ სტუდენტები, ტურიზმის ეროვნულ ადმინისტრაციაში გაივლიან.

დაინტერესებულმა პირებმა 20 ივნისის ჩათვლით CV ელექტრონული ფოსტის მისამართზე n.kinkladze@gnta.ge უნდა გამოაგზავნონ. პრაქტიკანტები გასაუბრების შედეგად შეირჩევიან.

„მობილურ გიდებს" პრაქტიკის წარმატებულად დასრულების შემდეგ შესაბამისი სერთიფიკატი და პრაქტიკის გავლის დამადასტურებელი ცნობა გადაეცემათ.