პრესრელიზი

18 ივლისი, 2011
დაუყოვნებელი გავრცელებისათვის

საკონტაქტო პირი:
ზვიად დევდარიანი
995 341 25 88 22
995 77 46 03 35
zviad@cida.ge
http://www.cida.ge/
http://www.kvemokartli.ge/

ქვემო ქართლის სამოქალაქო ორგანიზაციების პირველი ფორუმი

[Publicity.Ge]თბილისი, 18 ივლისი, 2011 - 2011 წლის 19 ივლისს, 12:00-16:00 საათამდე, ქალაქ რუსთავის კინოთეატრ „რუსთაველში" გაიმართება ქვემო ქართლის სამოქალაქო ორგანიზაციების პირველი ფორუმი. ფორუმს დაესწრებიან ქვემო ქართლში მოქმედი არასამთავრობო ორგანიზაციები, ეროვნულ დონეზე და რეგიონში მომუშავე საერთაშორისო/დონორი ორგანიზაციების წევრები, ცენტრალური და ადგილობრივი ხელისუფლების წარმომადგენლები.

ფორუმი საზეიმოდ გაიხსნება 12:00 საათზე, რუსთავში, კინოთეატრ „რუსთაველში", მისამართი: მეგობრობის # 12ა

ფორუმის დღის წესრიგი მოიცავს:

• 1. ქვემო ქართლის სამოქალაქო ორგანიზაციების საქმიანობის ამსახველი ფოტო-გამოფენა;
• 2. ქვემო ქართლის სამოქალაქო ორგანიზაციებისა და საერთაშორისო ორგანიზაციების პუბლიკაციებისა და სხვადასხვა პრუდუქციის გამოფენა;
• 3. ქვემო ქართლის სამოქალაქო ორგანიზაციებისა და საერთაშორისო ორგანიზაციების საქმიანობების პრეზენტაციები;
• 4. ქვემო ქართლის სამოქალაქო ორგანიზაციების საქმიანობის ამსახველი ვიდეო რგოლების ჩვენება;
• 5. სამოქალაქო ორგანიზაციების ახალი ვებ-საიტის http://www.cso.ge/ პრეზენტაცია;
• 6. ლექცია საქართველოში არასამთავრობო სექტორის საქმიანობის, შესაძლებლობებისა და მნიშვნელობის შესახებ.

სამოქალაქო ორგანიზაციების ფორუმი ხორციელდება პროექტის „ქვემო ქართლის სამოქალაქო ორგანიზაციების განვითარების ცენტრი - ქვემო ქართლი" ფარგლებში, რომელსაც ახორციელებს სამოქალაქო განვითარების სააგენტო (CiDA) ჯერმან მარშალ ფონდის შავი ზღვის პროექტის მხარდაჭერით.