თბილისი (GBC) - შავი ზღვის ნავთობტერმინალის (ყულევი) მეშვეობით თხევადი პროპილენის გადაზიდვა ნოემბრიდან დაიწყება. ამის შესახებ ინფორმაციას აზერბაიჯანის საინფორმაციო სააგენტო abc.az-ი ავრცელებს. abc.az-ის ინფორმაციით, შესაბამისი საცავისთვის მოწყობილობების მონტაჟი უკვე დასრულებულია, რომლის საშუალებითაც აზერბაიჯანული კომპანიის, „აზერიქიმიის" მიერ წარმოებული ქიმიური პროდუქციის გადაზიდვა განხორციელდება.

აღსანიშნავია, რომ დღემდე SOCAR-ი აღნიშნული ტვირთის ტრანსპორტირებას რუსეთის და უკრაინის გავლით ახორციელებს. ამ ეტაპზე ყულევის ტერმინალით, რომლის სიმძლავრეც წელიწადში 100 მლნ ტონაა, მხოლოდ ნავთობისა და ნავთობპროდუქტების გადაზიდვა ხორციელდება. „აზერიქიმია" აზერბაიჯანში ქიმიური პროდუქციის მწარმოებელი უმსხვილესი კომპანიაა.