29 იანვარი,2014
დაუყოვნებელი გავრცელებისათვის

საკონტაქტო ინფორმაცია:
ელდარ პირმისაშვილი
5 58 44 55 66
eldarpr@gmail.com

2014 წლის 30 იანვარს 13:00 საათზე ფონდი "ბიზნესი კიბოს წინააღმდეგ" საერთაშორისო კოსმეტიკური კომპანია "ეივონი" და მარტინ დ. აბელოფის - კიბოს კვლევის ცენტრი გიწვევთ სასტუმრო „რედისონ ბლუ ივერია"-ს საკონფერენციო დარბაზში (შეხვედრების ოთახი N 3) ძუძუს კიბოს დიაგნოსტიკის - ულტრანათამედროვე ციფრული მამოგრაფული აპარატის პრეზენტაციაზე.

კოსმეტიკურმა კომპანია "ეივონმა" პროგრამის ფარგლებში "ერთად ვიბრძოლოთ ძუძუს კიბოს წინააღმდეგ" შეიძინა საქართველოში პირველი ულტრანათამედროვე ციფრული მამოგრაფიული აპარატი ფონდ „ბიზნესი კიბოს წინააღმდეგ" დახმარებით, რომელიც გადაეცა მარტინ დ. აბელოფის - კიბოს კვლევის ცენტრს და უკვე 4 თებერვლიდან მთელი საქართველოს მასშტაბით ყველა ქალბატონი შეძლებს მიიღოს უფასო სკრინინგული (ძუძუს კიბოს) გამოკვლევები.

ღონისძიებაზე მოწვეულია საქართველოს შრომის, ჯანმრთელობისა და სოციალური დაცვის მინისტრი დავით სერგეენკო, ასევე მინისტრის მრჩეველი კახა საკანდელიძე. მოწვეულ სტუმრებს შორის იქნებიან ცნობადი სახეები ანუკი არეშიძე, ფისო დათუაშვილი, რომლებიც ჩაერთვებიან უფასო სკრინინგული კვლევის კამპანიაში და მაგალითს მისცემენ ქალბატონებს, რომ მიაკითხონ აბელოფის კლინიკას უფასო სკრინინგული კვლევებისთვის, რადგან კიბოს ნაადრევი გამოვლინება საუკეთესო თავდაცვაა.
საქართველოში ბოლო წლებში სიმსივნით 8 ათასი ადამიანი გარდაიცვალა. უკანასკნელი წლების განმავლობაში კიბოთი დაავადებულ ადამიანთა რაოდენობა 55%-ით გაიზარდა. ქვეყანაში სიკვდილის გამომწვევ დაავადებებს შორის სიმსივნე მეორე ადგილზეა, ხოლო ძუძუს კიბო სიკვდილის ერთ-ერთ მთავარ მიზეზს წარმოადგენს საქართველოში მცხოვრები ქალებისათვის.

კომპანია ეივონი მსოფლიოს მასშტაბით 1992 წლიდან უძღვება სპეციალურ პროგრამას და მსოფლიოს 58 ქვეყანაში ახდენს ფონდების მოძიებას. დღეისათვის თანხა, რომელიც კომპანიის მიერ იქნა გადარიცხული ძუძუს კიბოსთან საბრძოლველად მთელი მსოფლიოს მასშტაბით 800 მილიონი ა.შ.შ დოლარი შეადგინა. შეგროვილი ფონდების მოცულობით ეივონი მოწინავე კომპანიაა მსოლფიოში იმ კომერციულ ორგანიზაციებს შორის, რომლებიც ეწევიან საქველმოქმედო საქმიანობას ამ მიმართულებით.
ეივონი მუდმივ რეჟიმში გააგრძელებს ბრძოლას ძუძუს კიბოს წინააღმდეგ საქართველოში.

მარტინ დ. აბელოფის ლაბორატორია - კიბოს კვლევის ცენტრი არსებული უნიკალური მატერიალურ-ტექნიკური ბაზა და პროფესიონალი კადრები სრული ონკოლოგიური სპექტრის მკურნალობის ჩატარების შესაძლებლობას იძლევა.

"პერიტუს გრუპი" ბიზნესი კიბოს წინააღმდეგ პროექტის პიარ-საკომუნიკაციო კამპანიას ახორციელებს.